| e-texts navigator |
| Wylie |
139a1 རཱ་ག་ཅན།། མཏྶ་ཏུ་ཨི་རཥྚ་ཀ། ཀུན་ནས་ཉོན་མོངས་འཁོར་བའི་ཆོས།། ཐམས་ཅད་འདི་ལས་བྱུང་བས་ན།། འདི་དོན་ཡིད་ལ་དྲིལ་ཏེ་རྟོག། གཏི་མུག་བྱལ་སོང་རྣམ་མང་པོ།། ཕྱི་ཡི་རྒྱ་མཚོའི་ཁ་ན
139a2 གནས།། ཞེ་སྡང་དམྱལ་ཁམས་བཅོ་བརྒྱད་པོ།། རྡོ་རྗེ་གདན་འོག་ཚ་གྲང་གནས།། ང་རྒྱལ་ལྷ་ཡི་འཇིག་རྟེན་རྣམས།། རི་རབ་ཕྱིར་རྩེ་ནམ་མཁར་གནས།། ཕྲག་དོག་ལྷ་མ་ཡིན་གྱི་གནས།། རི་རབ་ཁོང་སེང་དག་ན
139a3 གནས།། སེར་སྣ་དམྱལ་བ་ཡི་དྭགས་གནས།། གྲོང་ཁྱེར་སེར་སྐྱ་དག་ན་གནས།། གླིང་བཞིའི་མི་རྣམས་འདོད་ཆགས་ཅན།། རབ་འབྲིང་ཐམས་ཅད་དབང་པོ་རྣོ།། གཏི་མུག་རྟག་པ་རྣམ་པར་སྣང་།། སྟུག་པོ་བཀོད
139a4 པར་ས་བཅུར་གནས།། རྡོ་རྗེ་མི་བསྐྱོད་ཞེ་སྡང་ལས།། རྡོ་རྗེ་འཆང་དུ་རྣམ་པར་སྣང་།། ང་རྒྱལ་རིན་ཆེན་འབྱུང་བ་ཉིད།། རྡོ་རྗེ་ཉི་མ་དཀོན་མཆོག་དཔལ།། འདོད་ཆགས་སྣང་བ་མཐའ་ཡས་ཉིད།། ཚེ་དཔག་མེད་པ
139a5 སྣང་བར་མཛད།། ཕྲག་དོག་དོན་ཡོད་གྲུབ་པའི་སྐུ།། གདོན་མི་ཟ་བ་རྟ་མཆོག་ཉིད།། ནང་སེམས་ནམ་མཁའ་ལྟ་བུ་འདི།། གློ་བུར་སྤྲིན་རྣམས་འབྱུང་བ་ཡང་།། བདེ་གཤེགས་སངས་རྒྱས་རྣམ་སྣང་ལས།། སྐུ་ཡི་བདེ
139a6 ཆེན་བྱུང་བར་འགྱུར།། གསུམ་མཆོག་སྣང་མཐའ་ཚེ་དཔག་མེད།། ཚོགས་ཆེན་ཡོངས་འདུས་འབྱུང་བར་འགྱུར།། ཐུགས་མཆོག་མི་བསྐྱོད་རྡོ་རྗེ་འཆང་།། པདྨ་གསང་བར་འབྱུང་བར་འགྱུར།། ཡོན་ཏན་རིན་འབྱུང་ཚེ
iiif viewer powered by OpenSeadragon
