| e-texts navigator |
| Wylie |
138b1 སྐུར་གནས།། འཁོར་འདས་དབྱེར་མེད་དེ་ཁོ་ན།། ཕྲག་དོག་དོན་ནི་མ་རྟོགས་ན།། སོ་སོར་རྟོག་པའི་ཤེས་རབ་ཀྱིས།། ཆོས་རྣམས་མ་འདྲེས་འབྱེད་མི་ཤེས།། མི་དམིགས་པ་ཡི་ཤེས་རབ་ཀྱིས།། ཆོས་རྣམས་ཡོངས
138b2 སུ་རྫོགས་མི་ཤེས།། མ་འདྲེས་ཡོངས་རྫོགས་མ་ཤེས་ནས།། གཉིས་འཛིན་མཐའ་ལས་གྲོལ་མི་འགྱུར།། གཟུང་འཛིན་མདུད་པ་འཁྲོལ་མི་སྲིད།། འཁོར་བའི་ཆུ་བོ་མི་སྒྲོལ་བས།། ཁམས་གསུམ་གྲོང་ཁྱེར་འཁྱམས
138b3 པ་ཡིན།། ཐེག་པ་ཆེ་ཆུང་ཁྱད་པར་དང་།། གཟུང་འཛིན་གཉིས་སྣང་ཐམས་ཅད་དང་།། ལྟ་ངན་གཞན་པ་མ་ལུས་རྣམས།། ཐམས་ཅད་ཤེས་པར་འགྱུར་བའོ།། ཀུན་ལ་ཕྲག་དོག་པའི་ཏིང་ངེ་འཛིན་ཏོ།། དབང་ཆེན
138b4 བདེ་གཤེགས་འདུས་པ་རྡོག་མ་ལེབ་རྒན་གྱི་རྒྱུད་ལས། དུག་ལྔ་ལམ་དུ་སློང་བའི་ལེའུ་སྟེ་བཞི་པའོ།། །། དེ་ནས་བདེ་གཤེགས་རྒྱལ་བ་ཡིས།། འགྲོ་བའི་དོན་དུ་འདི་གསུངས་སོ།། ཀུན་ནས་ཉོན་མོངས
138b5 འཁོར་བའི་ཆོས།། རྣམ་བྱང་མྱ་ངན་འདས་པར་སྣང་།། ཡིད་འཇུག་བསམ་པའི་གཟུགས་ཅན་འདིས།། འཁོར་འདས་བྱ་བ་མ་ལུས་བསྒྲུབ།། ཡིད་ནི་རང་བཞིན་ཇི་ལྟ་བར།། ཤེས་པར་འདོད་ན་རྒྱུད་འདི་ཉོན།། དེ
138b6 སྐད་རྡོ་རྗེ་འཆང་གིས་གསུངས།། རིགས་གཉིས་ལུང་གི་རྒྱུད་པས་ན།། པདྨ་དབང་གི་བཀའ་སྩལ་ཏོ།། རྒྱུད་འདི་ཤེས་པར་འདོད་པ་ཡིས།། ལུས་ངག་ཡིད་གསུམ་བཏུད་དེ་ཉོན།། མོ་ཧ་ཀ་དང་དྭེ་ཥ་ཀ། མཱ་ན་ཀ་དང
iiif viewer powered by OpenSeadragon
