| e-texts navigator |
| Wylie |
137b1 ཆུབ་སེམས་དཔའ་མཆོད།། དྷཱུ་པ་ཛཿ། པྲནྡེ་ཧཱུཾ། དྭེ་བ་བཾ། གྷརྠེ་ཧོ། ལཱ་སྱེ་ཧཱུཾ། མཱ་མེ་ཏཱཾ། གི་ར་ཏི་ཧྲཱིཿ། ནི་ར་ཏི་ཨ། པཱུ་ཛ་ཡ་པཱ་ཛ་མེ་གྷ་ས་མུ་ད་སྥ་ར་ཎ་ས་མ་ཡེ་སྭཱ་ཧཱ། རང་དང་སློབ་མའི་ལྕེ་ཡི་ནི།། ཐིག་ལེ་དཀར
137b2 དམར་བཟའ་བར་བྱ།། དངོས་གྲུབ་ཡུམ་གྱི་མཁའ་ནས་བླང་།། བྱང་སེམས་ཐིག་ལེ་གསང་དབང་བསྐུར།། བསྒྲུབ་པ་ཆེན་པོའི་རིམ་པའོ།། བདེ་བ་མཆོག་བདེ་བདེ་བྲལ་ཆེ།། ལྷན་ཅིག་སྐྱེས་དགའ་ཉམས་སུ
137b3 བླངས།། ཟུང་འཇུག་སྐུ་ནི་ཐོབ་གྱུར་པ།། ཡབ་ཡུམ་འདུ་འབྲལ་མེད་པར་གནས།། འདོད་ཆགས་བདེ་བ་སྤང་བ་ནི།། ཟུང་འཇུག་སྐུ་ཡང་སྤང་བ་ཡིན།། འདོད་ཆགས་ཡེ་ཤེས་ཆེན་པོ་འཐོབ།། ཐབས་ལམ་ཡོན་ཏན
137b4 ལྡན་པ་ཡིས།། རིག་འཛིན་དངོས་གྲུབ་འཐོབ་པ་ནི།། ཚེ་འདི་ཉི་ཟླ་དག་དང་མཉམ།། མཁའ་སྤྱོད་གནས་སུ་གཤེགས་གྱུར་པ།། མཁའ་འགྲོའི་གཙོ་མཆོག་ཧེ་རུ་ཀུ།། རྗེ་བཙུན་དབང་ཕྱུག་ཆེན་པོ་འགྱུར།། འདོད
137b5 ཆགས་ཀྱི་ལམ་ཡོངས་སུ་རྫོགས་པ་ཞེས་བྱ་བའི་ཏིང་ངེ་འཛིན་ཏོ། ཕྲག་དོག་བཞི་དང་རྒྱུ་ལམ་འབྲས།། སྐྱོན་དང་ཡོན་ཏན་རྣམས་ཀྱིས་བཤད།། རང་ཉིད་ཞེན་པ་ངན་པ་ཉིད།། གཞན་རྣམས་ཤོང་བར་མ་གྱུར
137b6 པ།། གཞན་སྨོད་རང་གི་ཆེ་བ་ནི།། ཕྲག་དོག་འབྱུང་བའི་གཞི་ཡིན་ནོ།། རང་སེམས་ཀུན་ནས་མི་ཤོར་བས།། སེམས་ལས་ཕྲག་དོག་འབྱུང་བའི་རྒྱུ།། ཤན་འབྱེད་པ་དང་ལ་བཟླ་བས།། ལྟ་ངན་ཐམས་ཅད་སྤང་བར
iiif viewer powered by OpenSeadragon
