| e-texts navigator |
| Wylie |
136b1 གཉུག་མ་རང་སོར་ཞོག། གང་གི་རྣམ་རྟོག་མཚན་མ་ཅན།། སྣང་སྲིད་སྣོད་བཅུད་ལྷ་རུ་གསལ།། དངོས་པོར་སྣང་བ་གཟུགས་ཀྱི་སྐུ།། སྟོང་གསལ་ཆོས་སྐུ་དྲི་མ་མེད།། སྣང་སྲིད་གཉིས་མེད་ངོ་བོ་ཉིད།། ལྷ་སྒོམ་སྐུ
136b2 བཞི་རྫོགས་སངས་རྒྱས།། ལྷ་སྒོམ་དོན་དུ་མི་གཉེར་བ།། འཁོར་བར་འཁྱམས་པར་བྱེད་པ་ཡིན།། ཕྱི་ཡི་ཡུལ་ལ་བལྟ་བ་དང་།། ནང་གི་སེམས་ལ་བསྒོམ་པ་ནི།། སྐུ་བཞི་འདུ་འབྲལ་མེད་པ་ཡི།། ཨོཾ་ཧྲཱི་ས་ཏི་ས་མ་ཏི
136b3 བྷ་ལ་ཨཽ། ང་རྒྱལ་ལམ་དུ་བྱེད་པ་ཞེས་བྱ་བའི་ཏིང་འཛིན་ཏེ།། འདོད་ཆགས་གཞི་རྒྱུ་ད་ལམ་འབྲས་དང་།། སྐྱོན་དང་ཡོན་ཏན་ལྡན་པ་ཡིས།། གང་གི་འདོད་ཆགས་སྤོང་བྱེད་པ།། དེ་ལ་ལུས་ཀྱི་བདེ་བ་མེད།། བདེ་བ
136b4 ཆེན་པོ་འདོད་པ་ཡིས།། དེ་རྒྱུ་འདོད་ཆགས་ཡིན་ཤེས་བྱ།། བུད་མེད་ལ་བརྟེན་བདེ་ཆེན་པོ།། སེམས་ཅན་ཀུན་རྣམས་སྤྱོད་གྱུར་པ།། ཐ་མལ་ཞེན་པ་སྤང་བ་ཡིས།། བདེ་ཆེན་གར་གྱིས་རོལ་པས་བྱ།། བརྟགས་ཤིང
136b5 བྱིན་བརླབས་བསྙེན་བསྒྲུབ་བཞིས།། བདེ་རྟོགས་ཉམས་སུ་བླང་བར་བྱ།། རྒྱལ་མོ་མ་དང་སྲིད་མོ་བུ།། ཚ་མོ་སྲུ་མོ་བྲན་གཡོག་མོ།། ཆེ་བའི་བག་དང་ལྡན་གྱུར་ཞིང་།། བཀུར་པོར་ལྕི་བས་རྒྱལ་མོ་འདྲ།། རང་ཉིད
136b6 རྒྱལ་པོའི་ཚུལ་བཞིན་སྦྱར།། དབང་འཕྲོག་མ་དང་འདྲ་བ་ལ།། ལུས་བསྐྱེད་དེ་ལ་ཕ་ལྟར་སྦྱར། བརྩེ་བའི་སེམས་ལྡན་སྲིད་མོ་ལ།། རང་ཉིད་མིང་པོ་ལྟ་བར་བྱར།། ལུས་ཀྱི་དུམ་བུ་ལས་ཆད་པའི།། བུ་མོ་ལྟ་བུ་ལ
iiif viewer powered by OpenSeadragon
