| e-texts navigator |
| Wylie |
134b1 ཡིད་ཐིམ་པ།། ཆོས་ཀྱི་སྐུ་ལ་གནས་པར་བྱ།། ཡིད་ཀྱི་རྒྱུ་བ་མང་པོ་ཀུན།། གཟུགས་ཀྱི་སྐུ་རུ་ལྡང་བར་འགྱུར།། གཟུགས་སུ་ཆོས་སྒྲ་དབྱེར་མེད་པ།། ངོ་བོ་ཉིད་སྐུར་རབ་ཏུ་གནས།། སྐྱེས་བུ་གཉིད་ལོག་སངས་རྒྱས
134b2 སོ།། སྐྱེས་བུ་གཉིད་ལོག་པས་རྨི་ལམ་གྱི་སངས་རྒྱས་པ་ཞེས་བྱ་བའི་ཏིང་ངེ་འཛིན་ཏོ།། ཞེ་སྡང་གཞི་རྒྱུ་ལམ་འབྲས་ཅན།། སྐྱོན་དང་ཡོན་ཏན་ཁྱེད་ལ་བཤད།། འཁོར་འདས་ཆོས་རྣམས་མ་ལུས་པ།། ཡེ་ནས་འོད
134b3 གསལ་མ་བཅོས་པ།། སེམས་ཉིད་རང་བཞིན་འོད་གསལ་བས།། ཞེ་སྡང་ནམ་མཁའི་སྤྲིན་ལྟར་དེངས།། དེ་ཉིད་རྣལ་འབྱོར་ལྷ་ཡིན་པས།། ལྷ་འདི་མེད་ན་སངས་རྒྱས་མེད།། ཞེ་སྡང་མེད་པའི་སྔོན་རོལ་ན།། སངས
134b4 རྒྱས་སེམས་ཅན་ག་ལ་ཡོད།། ཡིད་ཀྱི་རྣམ་ཤེས་ཀུན་ཁྱབ་པོ།། རང་བྱུང་ཡེ་ཤེས་རྒྱུ་གཅིག་པ།། འཁོར་འདས་བྱེད་པའི་མཁན་པོ་ཁྱོད།། རྩད་བཅད་ཁུངས་ནི་ཁྱོད་ཉིད་ཡིན།། ཀུན་བཟང་ཁྱོད་ལས་ཐམས་ཅད
134b5 བྱུང་།། ཁྱོད་ཀྱིས་ཁྱོད་ཉིད་ཤེས་པར་གྱིས།། འགུགས་དང་སྦྱངས་དང་སྒོ་བཀག་ནས།། འཁོར་བ་མྱ་ངན་འདས་པར་སྦྱངས།། དཀོན་མཆོག་གསུམ་གྱི་སྤྱི་དགྲ་དང་།། རྡོ་རྗེ་སློབ་དཔོན་སྐུ་དགྲ་དང་།། མཆེད་དང
134b6 ལྕམ་དྲལ་སྒོས་དགྲ་དང་།། དམ་མེད་དམ་ལོག་འདུས་པར་ཡོང་།། དམ་དགྲ་ངན་པའི་ངང་ཚུལ་ཅན།། ཡོངས་ལ་གནོད་དང་ངན་སོང་ཆུད།། གསང་བའི་དཀྱིལ་འཁོར་ཆེན་པོར་དགུག། བྲོད་བསྐྱེད་སྦྱང་བར་བྱ
iiif viewer powered by OpenSeadragon
