| e-texts navigator |
| Wylie |
134a1 བ།། མ་རིག་མ་ཤེས་མ་གོའོ།། ཀུན་ནས་སྣང་བ་སྣང་བ་ཡང་།། མི་རྟོག་དོན་ལ་གནས་པར་བྱ།། གཉིད་དང་འདྲ་བའི་མི་རྟོག་མེད།། ཁམས་གསུམ་འཁོར་བའི་སེམས་ཅན་རྣམས།། མི་རྟོག་འདོད་ན
134a2 གཉིད་འདི་ལོག། རྟོག་མི་མཉམ་ཉིད་སྒྱུ་མ་ལྟོས།། དགུག་དང་ལོག་དང་བྱང་བ་དང་།། འབྱོངས་ན་ཆོས་རྣམས་རྨི་ལམ་ཉིད།། མ་རིག་མུན་པ་ཤ་ཆང་དྲོད།། ངལ་དུབ་དྲག་པོས་འབྱུང་བཞི་འདུས།། དཔྲལ་བར་པདྨ
134a3 འདབ་བཞི་ལ།། གཉིད་འགུགས་སྔགས་ཀྱིས་འགུགས་པར་བྱེད།། ཨོཾ་ཨཱ་ནུ་དྷ་ར་ཧཱུཾ་ཕཊ་སྭཱ་ཧ། གཉིད་དུ་སོང་བ་ཤི་དང་མཚུངས།། རྨི་ལམ་སྲིད་པར་བར་མ་དོ།། གཉིད་སད་སྐྱེ་བ་ལྷ་ཡི་སྐུ།། རྣལ་འབྱོར་ཅན་གྱིས
134a4 བསྒོམ་པར་བྱ།། སེམས་ནི་གཉིད་ལ་ཟིན་གྱུར་ན།། བྲག་ལ་འཛེགས་དང་གཡང་ལ་སྒྱུར།། ཆུ་ལ་མཆོངས་དང་རྦབ་ལ་འགྲིལ།། རྣལ་འབྱོར་རིག་པའི་རྩལ་བྱང་སྟེ།། ཆོས་རྣམས་རྨི་ལམ་ལྟ་བུ་ལ།། རྨི་ལམ་གཉིད་ཀྱི
134a5 བསམ་གཏན་ཡིན།། ཆོས་རྣམས་ཉམས་སུ་མྱང་བར་བྱ།། འབྱོངས་ན་ལྕེབས་ཀྱང་འཆི་བ་མེད།། མཚོན་ཟུག་དུག་འཐུང་གཡུལ་འགྱེད་པ།། ཐམས་ཅད་རང་གི་སེམས་ལ་སྦྱངས།། མ་འབྱོངས་པར་དུ་སྦྱང་བར
134a6 བྱ།། ཡེ་ནས་འཁོར་འདས་ཆོས་རྣམས་ཀུན།། རྨི་ལམ་ཡིན་པར་ཤེས་གྱུར་ན།། རྣལ་འབྱོར་གཏི་མུག་འབྱོངས་པ་ཡིན།། དེ་ཕྱིར་རྨི་ལམ་གཉིད་དུ་ཤེས།། སེམས་ཅན་བདེ་བ་ཐུན་གཅིག་ན།། ཀུན་གཞིའི་ནང་དུ
iiif viewer powered by OpenSeadragon
