| e-texts navigator |
| Wylie |
133b1 བཞུགས་པའི་སངས་རྒྱས་དང་།། དུས་བཞིར་གཤེགས་པའི་རྒྱལ་བ་རྣམས།། ཀུན་ཀྱང་རིགས་ལྔ་པདྨའི་སྐུ།། རིགས་ཀྱི་སངས་རྒྱས་བསྒྲུབ་པར་བྱ།། ལུས་ཀྱི་བྱ་བ་མ་ལུས་དང་།། ངག་གི་སྒྲ་བརྗོད་ཐམས་ཅད
133b2 དང་།། སེམས་ཀྱི་བསམ་པ་མང་པོ་རྣམས།། དོན་དུ་གཉེར་ནས་བསྲུང་བར་བྱའོ།། རྩ་བ་ཡན་ལག་ཐམས་ཅད་ཀུན།། ཉམས་པར་གྱུར་ན་གང་ཉམས་པ།། གཏོར་མ་ཚོགས་འཁོར་ལྷག་མ་དང་།། སྦྱིན་སྲེག་དག
133b3 གིས་བསྐང་བར་བྱ།། མ་བསྐངས་རྡོ་རྗེ་དམྱལ་བར་འགྲོ།། ངན་སོང་སྡུག་བསྔལ་བཟོད་པར་དཀའ།། མ་ཉམས་བསྲུང་བར་གང་བྱེད་པ།། བདེ་སྦྱིན་ཡོན་ཏན་བསམ་མི་ཁྱབ།། ཅེས་གསུངས་སོ།། པདྨ་དབང་ཆེན
133b4 བདེ་གཤེགས་སྤྱི་དྲིལ་རྡོག་མ་ལེ་བརྒན་གྱི་རྒྱུད་ལས། གཞི་འཛིན་གྱི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་པདྨ་དབང་ཆེན་གྱིས།། རྒྱུད་ལྔ་ལམ་དུ་ཀློང་ལ་འདི་གསུངས་སོ།། ང་ནི་གཏི་མུག
133b5 གཉིད་ལ་དགའ།། རྨི་ལམ་ལམ་དུ་ཀློང་བར་བྱེད།། ང་ནི་ཞེ་སྡང་ལམ་ལ་དགའ།། ཞིང་བཅུ་བསྒྲལ་ནས་སྒྲོལ་བར་བྱེད།། ང་ནི་ང་རྒྱལ་རི་བོ་ཆེ།། ལྟ་བ་མཐོ་ལ་ཏིང་འཛིན་གསལ།། ང་ནི་འདོད་ཆགས་ཆོས་ལ
133b6 དགའ།། ཡུམ་ལ་སྦྱོར་ཞིང་གསང་དབང་བསྐུར།། ང་ནི་ཀུན་ལ་ཕྲག་དོག་པས།། ལྟ་ངན་ཐམས་ཅད་མི་ཤོང་ངོ་།། གཞི་དང་རྒྱུ་དང་ལམ་དང་ནི།། འབྲས་བུ་ཉིད་ནི་ཁྱེད་ལ་བཤད།། གཏི་མུག་གཏི་མུག་ཅེས་བྱ
iiif viewer powered by OpenSeadragon
