| e-texts navigator |
| Wylie |
132b1 རྟོག་ཆོས་ཀྱི་སྐུ།། རྟོག་པའི་སྤྲོས་པ་ཉེ་བར་ཞི།། ཞེ་སྡང་གསལ་བ་ལོངས་སྤྱོད་རྫོགས།། མུན་པ་བྲལ་བའི་ཉི་མ་ཤར།། འདོད་ཆགས་སྙིང་རྗེའི་ཡུལ་དུ་སྣང་།། ཁམས་གསུམ་འཁོར་བའི་སེམས་ཅན་འདྲེན།། སེམས
132b2 རང་བཞིན་གྱིས་འོད་གསལ་བའི་ཏིང་ངེ་འཛིན།། ཞེས་གསུངས་སོ།། དཔལ་པདྨ་དབང་ཆེན་རྡོག་མ་ལེ་བརྒན་བདེ་གཤེགས་སྤྱི་དྲིལ་གྱི་རྒྱུད་ལས། སེམས་རང་བཞིན་གྱིས་འོད་གསལ་བའི་ལེའུ་སྟེ་གཉིས
132b3 པའོ།། །། དེ་ནས་དབང་ཆེན་པདྨའི་རྒྱལ་པོས་གསུངས་པ། རྩ་བ་སྐུ་གསུང་ཐུགས་རྣམས་དང་།། སྤྱད་པ་དང་བླང་མི་སྤང་ཤེས།། བསྒྲུབ་པར་བྱ་བ་ལྔ་ལྔ་པའོ།། བསྲུང་དང་ཉམས་སྐོང་སྐྱོན་ཡོན
132b4 རྣམས།། དངོས་གྲུབ་ལོ་ཏོག་སྨིན་པའི་ས།། ཐམས་ཅད་ཀུན་གྱིས་བསྲུང་བར་བྱ།། ཡི་དམ་ལྷ་ནི་སྤང་མི་བྱ།། རང་སེམས་སྤང་དུ་ག་ལ་བཏུབ།། བླ་མ་རང་གི་སྤྲོ་བོར་འཁུར།། རྒྱུད་ལུང་མན་ངག་སྟེར་བར
132b5 འགྱུར།། རྡོ་རྗེ་མིང་སྲིད་ཆོས་ཀྱི་སྤྱན།། འདི་དང་ཕྱི་མར་མི་འབྲལ་འགྲོགས།། མ་ནོར་རྩ་བ་རྒྱུ་ཡི་སྔགས།། སྐྱེ་བར་བྱེད་པ་རྐྱེན་གྱི་སྔགས།། སྐུལ་བར་བྱེད་པ་ལས་ཀྱི་སྔགས།། ཞག་དང་ཟླ་བ་ལོ་རྒྱུན་བྱ།། ཡབ་ཀྱི
132b6 སྐུ་ནི་ཕྱག་རྒྱ་ཆེ།། ཡུམ་དང་མི་འབྲལ་དམ་ཚིག་རྒྱ།། འཕྲོ་འདུ་ལས་ཀྱི་ཕྱག་རྒྱ་ལ།། ཆོས་ཉིད་ཞི་བ་ཆོས་ཀྱི་རྒྱ།། སྲོག་ཆགས་བསད་ནས་ཞིང་བཅུ་བསྒྲལ།། གཟུངས་མ་སྦྱར་ནས་གསང་དབང་བསྐུར།། མ་བྱིན་པ
iiif viewer powered by OpenSeadragon
