| e-texts navigator |
| Wylie |
132a1 ལྡང་གྱུར་པ།། གཉིད་ལོག་སད་དང་བརྒྱ་ལ་སངས་ལྟར།། ཉི་མའི་དཀྱིལ་འཁོར་ཤར་གྱུར་བ།། འོད་ཀྱི་ནུས་པས་ཀུན་གསལ་བྱེད།། སེམས་ནི་རང་བཞིན་འོད་གསལ་བས།། དཔག་ཚད་བྱེ་བའི་འོད
132a2 ཀྱིས་འགེངས།། འོད་གསལ་ལས་ཀྱི་བག་ཆགས་དབང་།། སྔོན་དུ་གང་མོས་དབང་བསྒྱུར་ནས།། ལས་དབང་མི་གཏང་དྲན་པ་ཡིས།། གཟུངས་ཟག་ཀུན་ཏུ་འབྲལ་མེད་བྱ།། སྡིག་པའི་གཟུངས་དང་ལྡན་པ
132a3 རྣམས།། ངན་སོང་གསུམ་དུ་གནས་པར་འགྱུར།། ཞེ་སྡང་འདོད་ཆགས་གཏི་མུག་དབང་།། དམྱལ་བ་ཡི་དྭགས་དུད་འགྲོས་འབྱུང་།། དགེ་བའི་རྗེས་སུ་འགྲོ་བའི་སེམས།། འདོད་ཆགས་མི་ལ་ཆགས་པ་དང་།། ཞེ
132a4 སྡང་ལྷ་མ་ཡིན་དུ་གནས།། གཏི་མུག་ལྷ་ཡི་ལོངས་སྤྱོད་ལྡན།། དེ་དག་སྒོ་ལྔའི་བག་ཆགས་དབང་།། འདོད་པ་ཅན་དུ་འགྲོ་བའོ།། ཡིད་དབང་བཙན་ས་གཟུགས་ཀྱི་ཁམས།། འོད་གསལ་ལྷ་ཡི་ལུས་དང་ལྡན།། ཀུན
132a5 གཞིར་འཛིན་པ་གཟུགས་མེད་པ།། ཡི་གཟུགས་བྱེ་བྲག་བཞི་དང་ལྡན།། འབྲས་བུ་ར་བས་ཟིན་པ་ཡང་།། སེམས་ཉིད་རང་བཞིན་འོད་གསལ་བས།། ཡུལ་དུ་སྣང་བ་བེམ་སྟོང་དུ།། སེམས་སུ་སྣང་བ་རིག་པ
132a6 སྟོང་།། སྟོང་ཉིད་རིག་པའི་ངོ་བོ་ཅན།། སྟོང་ཉིད་ཆེན་པོའི་ཆོས་སྐུར་བཞུགས།། རང་བཞིན་མ་བསྒྲིབས་འོད་གསལ་བ།། གཟུགས་སྐུ་སྒྱུ་ལུས་རྣམ་པར་སྣང་།། སྟོང་ཉིད་སྙིང་རྗེའི་བདག་ཉིད་ཅན།། གཏི་མུག་མི
iiif viewer powered by OpenSeadragon
