| e-texts navigator |
| Wylie |
131b1 མཁས་ལྡན་མར་དུ་འབྱིན།། ཀྱེ་སེམས་ཀྱི་དཀྱིལ་འཁོར་རང་བཞིན་གྱིས།། འོད་གསལ་ཆེན་པོར་གནས་པ་ལ།། རྒྱུད་ནི་སེམས་ཅན་གནས་པ་དང་།། སྣང་ལམ་པར་དོར་འབྱུང་བ་དང་།། འབྲས་བུ་རང་ངོ་ཤེས་ལས
131b2 ཟིན།། འདི་གསུམ་གང་གིས་བརྟག་འགྱུར་བ།། གསང་བ་ཡང་གསང་བླ་ན་མེད།། སྐལ་དང་ལྡན་པས་ཐུད་ལ་ཉོན།། སེམས་ཅན་རྒྱུད་ལ་གནས་པ་ནི།། སྒོ་ངའི་ནང་གི་བྱེའུ་ཕྲུག་བཞིན།། ཀུན་གཞི་གཟུགས་མེད
131b3 ཁམས་སུ་སྣང་།། དེ་ཉིད་རྩ་བ་གཏི་མུག་ཡིན།། ཡིད་ཀྱི་གཟུགས་ཀྱི་ཁམས་སུ་སྣང་།། དེ་ཉིད་ཞེ་སྡང་རྩ་བ་ཅན།། སྒོ་ང་འདོད་པའི་ཁམས་སུ་སྣང་།། དེ་ཡང་རྩ་བ་འདོད་ཆགས་ཉིད།། དུག་གསུམ་རྩ་བ་བྱང་ཆུབ
131b4 སེམས།། ཀུན་གཞི་དགེ་སྡིག་གསོག་པའི་སྣོད།། རིན་ཆེན་སྣ་བདུན་བང་མཛོད་དུ།། ཉོན་མོངས་ལྔ་ཡི་བྱན་མོ་ནི།། འཁོར་ལོས་སྒྱུར་རྒྱལ་བཙུན་མོ་ཡིན།། ཡིད་ཀྱི་ཀུན་རྩལ་གཡང་པ་བ་ཡང་ཉིད་ལ།། ཀུན་ཏུ་རྒྱུ་བའི
131b5 ཆང་བས་བཙལ།། སྒོ་ལྔ་ཁྱེའུ་ཕོ་མོ་མཛེས།། ཀུན་ལ་བསྐྱེད་ཅིང་མཆེད་པར་བྱེད།། འདི་དག་གཅིག་ཏུ་འདྲེས་པ་ནི།། ཆུ་དང་ལན་ཚྭ་འོ་མའམ།། སྒོག་པ་ཆུ་དང་ལན་ཚྭ་ལྟར།། མ་འདྲེས་ཡོངས་སུ་རྫོགས་པ
131b6 ལ།། ནམ་མཁའི་འཇའ་ཚོན་བཞིན་དུ་གནས།། བར་དོར་གཅེར་བུར་བྱུང་བ་ནི།། སེམས་ནི་ཕ་མའི་གོས་དང་བྲལ།། དགེ་སྡིག་བག་ཆགས་ལས་ཀྱིས་བསྒོས།། སྔོན་ནས་གཞན་པར་གནས་པ་ཡན།། ཤི་ནས་སྣང་བ
iiif viewer powered by OpenSeadragon
