| e-texts navigator |
| Wylie |
130b1 རཀྟ་བདུད་རྩི་གཏོང་།། དུག་གསུམ་དགྲ་བགེགས་སྲོག་རྩ་གཅད།། ལས་བཞིའི་སྦྱིན་སྲེག་ལས་རྣམས་འགྲུབ།། ཀླུ་གཉན་ས་བདག་གནོད་པ་བརྟག། ལྤགས་པ་ཤ་རུས་ནད་རྣམས་གཏོང་།། ཐུན་མོང་དངོས་གྲུབ
130b2 ལས་ཚོགས་བསྒྲུབ།། ལམ་ལྔ་ས་བཅུ་ཇི་ལྟར་བགྲོད།། རིག་འཛིན་རྣམ་བཞི་ཁྱད་པར་ཅན།། སྦྱོར་བའི་ཡན་ལག་རྣམ་དྲུག་བསྒོམ།། བདག་དང་མཐའ་ཡས་འགྲོ་བ་རྣམས།། རྗེ་བཙུན་འབངས་ལྟར་བསྐྱང་དུ
130b3 གསོལ།། ལྷ་རྗེས་གཅོང་ནད་བསལ་དུ་གསོལ།། སློབ་དཔོན་ཤེས་བྱ་བསླབ་དུ་གསོལ།། དགེ་ལེགས་ལས་འབྲས་རྩལ་དུ་གསོལ།། བླ་མས་མན་ངག་བསྟན་དུ་གསོལ།། རྣལ་འབྱོར་དབང་ཕྱུག་ཆེན་པོས
130b4 ཤོད།། དེད་དཔོན་རིན་ཆེན་སྦྱིན་དུ་གསོལ།། དཔའ་བོས་གཡུལ་ངོ་བཟློག་ཏུ་གསོལ།། ཡིད་བཞིན་གཏེར་ཆེན་དབྱུང་དུ་གསོལ།། ཉི་ཟླའི་འོད་ཟེར་སྤྲོ་རུ་གསོལ།། མུན་པའི་སྒྲོན་མེ་སྦར་དུ་གསོལ།། ཆོས་ཀྱི་འཁོར
130b5 ལོ་བསྐོར་དུ་གསོལ།། འདུལ་བའི་དུས་བབ་བཤད་དུ་གསོལ།། ཞེས་གསོལ་བ་བཏབ་པོ།། དེ་ནས་བཅོམ་ལྡན་འདས་ཀྱིས་ཡེ་ཤེས་སྒྲོན་མེས་ཆོས་ཀྱི་དབྱིངས་སུ་ཤར་བའི་དགོངས་པས་གཟིགས་ནས་འགྲོ་བའི་ཆེད
130b6 དུ་འདི་གསུངས་སོ།། སྨོན་ལམ་ལས་འཕྲོ་སད་པ་དང་།། ལུས་དང་སྐལ་བར་ལྡན་པ་དང་།། དད་ལྡན་བརྩོན་འགྲུས་ཆེ་བ་དང་།། ཤེས་རབ་རྟོགས་པ་ལྡན་པ་ཡི།། སྒྲུབ་པོ་རྟེན་གྱི་གང་ཟག་རྣམས།། སེམས་ཉིད་མ
iiif viewer powered by OpenSeadragon
