| e-texts navigator |
| Wylie |
128a1 རྒྱ་གར་སྐད་དུ། སརྦ་ཏ་ཐཱ་ག་ཏནྡ་ཤ་ཡ་ཀྲོ་དྷ་ས་མ་ཛ་སུ་ག་ཏ་ས་མ་ནྱོ་དྦ་ད་ན་ཀེ་ཤ་ལོ་ཧི་ཏ་ཏནྟ་ནཱ་མ། བོད་སྐད་དུ།། དེ་བཞིན་གཤེགས་པ་ཐམས་ཅད་ཀྱི་དགོངས་པ་ཁྲོ་བོ་འདུས་པ། བརྡ
128a2 གཤེགས་སྤྱི་དྲིལ་རྟ་མགྲིན་རྡོག་མ་ལེ་བརྒན་གྱི་རྒྱུད་ཅེས་བྱ་བ་དཔལ་པདྨ་དབང་ཆེན་བདེ་གཤེགས་སྤྱི་དྲིལ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། ཡེ་ཤེས་རིག་པ་རང་སྣང་གི་སྟོན་པ
128a3 དེ་ཉིད།། གདུལ་བྱའི་ངོ་སྣང་ལ་ཐ་དད་པར་སྣང་བ་ལས།། དཔལ་པདྨ་དབང་བྱེད་དུ་སྣང་བར་མཛད་ནས།། ཤེས་བྱ་རང་སྣང་གི་གནས་ནས་གདུལ་བྱ་དངོས་སྣང་གི་གནས་ཐ་དད་པར་སྣང་བ་ལས། ཤེས་བྱ་རང
128a4 སྣང་གི་འཁོར་དང་།། གདུལ་བྱ་ངོ་སྣང་གི་འཁོར་མང་པོས་ཀྱང་ཡོངས་སུ་བསྐོར།། ཤེས་བྱ་རང་སྣང་གི་བསྟན་པ་ནང་དུ་བསྟན་པ་རྫོགས་ནས།། གདུལ་བྱའི་ངོར་སྣང་བའི་བསྟན་པ་ནམ་མཁའི་མཐའ་ལ། ཆོས་ཉིད
128a5 ཀྱི་དགོངས་པའི་ཁྱད་པར་ལ་ལོངས་སྤྱོད་ཅིང་བཞུགས་སོ།། དེའི་ཚེ་དེའི་དུས་ན། ཆོས་ཅན་མཚན་མའི་དངོས་པོ་དང་།། ཆོས་ཉིད་སྐྱེ་བ་མེད་པ་སོ་སོ་མ་ཡིན་ཐ་མི་དད་དབྱེར་མེད་ན་ཡང་།། དོན་དམ་པར་ནི
128a6 ཆོས་ཐམས་ཅད་སྟོང་གསལ་ནམ་མཁའ་ལྟ་བུ་ལ་སེམས་ཉིད་ལྷན་ཅིག་སྐྱེས་པའི་ཡེ་ཤེས་དྲི་མ་མེད་པར་རང་བཞིན་གྱིས་འོད་གསལ་བ་ཡང་། ཀུན་རྫོབ་ཏུ་ཆོས་ཐམས་ཅད་དངོས་པོ་དང་མཚན་མར་སྣང་སྟེ།། དེ
iiif viewer powered by OpenSeadragon
