| e-texts navigator |
| Wylie |
127a1 བྱེ་ཧཱུཾ། མཱ་ལེ་ཏྱཾ། གི་ཏཾ་ཧྲཱིཾ། ནིནྟི་ཨ། ཨོཾ་སརྦ་པཱ་པཾ་མ་མ་ཀ་སྱ་ཀུ་རུ་ཤཱན་ཏིང་ཀུ་རུ་སྭཱ་ཧཱ། ཨོཾ་སརྦ་པཱ་བ་མ་མ་ཀ་སྱ་ཀུ་རུ་པུཥྚིཾ་ཀུ་རུ་སྭཱ་ཧཱ། ཨོཾ་སརྦ་པཱ་པཾ་མ་མ་ཀ་སྱ་ཀུ་རུ་བ་ཤང་ཀུ་རུ་སྭཱ་ཧཱ། ཨོཾ་སརྦ་པཱ
127a2 པཾ་མ་མ་ཀ་སྱ་ཀུ་རུ་མཱ་ར་ཡ་ཕཊ། ཀུན་གཞི་རྣམ་དག་ཧོམ་ཁུང་དུ།། ཉོན་མོངས་ལྔ་ཡི་ཡམ་ཤིང་ལ།། ཡེ་ཤེས་ལྔ་ཡི་མེ་སྦར་ན།། ཡེ་ཤེས་བསོད་ནམས་ཚོགས་རྫོགས་སོ།། བྷ་ག་ཡངས་པའི་ཐབ་ཁུང་དུ།། ཕུང་པོ་ལྔ
127a3 ཡི་བདག་ཉིད་ལ།། མར་དང་ཟར་བུའི་བྱ་ཐབས་ཀྱིས།། བསྙེན་པ་ཕུལ་བའི་ལས་བྱས་ནས།། ནམ་ཡང་འདུ་འབྲལ་མེད་པ་ཡིས།། གསང་བའི་སྦྱིན་བསྲེག་འགྲུབ་པ་ཡིས།། དབང་ཆེན་འདུས་པའི་ཏན་ཏྲ
127a4 ལས།། སྦྱིན་སྲེག་གི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་འཁོར་རྣམས་རབ་ཏུ་དགའ་ཞིང་གུས་པ་དང་བཅས་པས།། ཕྱེ་མ་ཕུར་མ་དང་། གདུག་དང་། བ་དན་དང་། སིལ་སྙན་དང་། པདྨ་དང་། བ་ན་དྷུ
127a5 ཀ་དང་། ཨུཏྤ་ལ་སོགས་པ་དང་། གཟུགས་དང་། སྒྲ་དང་། དྲི་དང་། རོ་དང་། རེག་བྱ་དང་། ཆོས་ལ་སོགས་པ་དང་། དགའ་བ་དང་། བདེ་བ་དང་། ཚིམ་པ་དང་། ཡིད་ང་ལ་སོས་པའི་མཆོད་པ་མང་པོས་མཆོད
127a6 ནས།། གསོལ་བ། མགོན་པོ་བདག་ཅག་འདུས་པ་ཡིས།། རྒྱུད་འདི་བཟུང་ཞིང་བཅང་བ་དང་།། ཇི་ལྟར་བཤད་ཅིང་བསྟན་པར་བྱ།། གུས་པས་ནམ་ཡང་མི་སྤང་ངོ་།། ཞེས་ཞུས་པ་དང་།། སྟོན་པས་བཀའ་སྩལ
iiif viewer powered by OpenSeadragon
