| e-texts navigator |
| Wylie |
117b1 འདིས།། མངོན་པར་ཤེས་པ་ལྔ་ཐོབ་བྱེད།། ཨོཾ་བ་ལིཾ་ཏ་ཏེ་ཛོ་བ་ལི་ཏ་བ་ལ་བ་ཏི་གྷུ་ཧྱ་ས་མ་ཡེ་སྭཱ་ཧཱ། དཔལ་གྱི་ཞལ་བུ་ཕོ་བྲང་དུ།། རང་བྱུང་རྣམ་དག་བདུད་རྩི་ལྔ།། རིན་ཆེན་རྣམ་སྣང་ཆོས་ཀྱི་དབྱིངས།། བྱང
117b2 སེམས་ཞེ་སྡང་མེ་ལོང་ཐུགས།། མཱཾ་ས་མཉམ་ཉིད་རིན་ཆེན་རིགས།། པདྨ་རཀྟ་འོད་དཔག་མེད།། དྲི་ཆུ་ཆེན་པོ་བྱ་བ་གྲུབ།། དུག་ལྔ་ཡེ་ཤེས་ལྔར་རྟོགས་བྱེད།། ཨོཾ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཞིང་གི་ཆོས
117b3 དབྱིངས་རྣམ་པར་དག། ཡེ་ཤེས་ཅན་གྱི་སྤྱོད་ཡུལ་དུ།། གཟུགས་དང་སྒྲ་དང་དྲི་དང་རོ།། རེག་བྱ་ཐོས་ཀྱི་ལོངས་སྤྱོད་རྣམས།། དཀྱིལ་འཁོར་ལ་ཡང་དཀྱིལ་འཁོར་ཐིམ།། ཡེ་ཤེས་ལ་ཡང་ཡེ་ཤེས་རོལ།། ཆོས་ཉིད
117b4 ལ་ཡང་ཆོས་ཉིད་བཞེས།། ཀུན་ཏུ་བཟང་པོས་མཉེས་གྱུར་ཅིག། ན་མཿསརྦ་ཏ་ཐཱ་ག་ཏེ་བྷྱོ་བྷི་ཤྲ་མུ་ཁེ་བྷྱཿ། སརྦ་ཐ་ཁཾ་ཨུངྒ་ག་ཏེ་སྥ་ར་ཎ་ཧི་མཾ་ག་ག་མ་ཁཾ་སྭཱ་ཧ། བདག་རྟོག་ཕུང་ཁམས་སྤྱོད་ཡུལ་རྣམས།། ཡེ་ཤེས་ལྷ
117b5 དང་གཉིས་མེད་པས།། དགྱེས་པར་རོལ་པའི་མཆོད་པ་འདི།། གཉིས་མེད་བླང་དོར་མེད་པར་བཞེས།། འཁོར་བ་མ་རིག་མུན་པ་ལས།། སྟོབས་ཆེན་ཡོངས་སྒྲལ་ཤ་དང་ཁྲག། དགྱེས་པར་རོལ་པའི་དམ་རྫས
117b6 ཀྱིས།། སྐུ་གསུང་ཐུགས་ཀྱི་དམ་ཚིག་སྐོང་།། དབང་ཆེན་འདུས་པའི་རྒྱུད་ལས་མཆོད་སྦྱིན་དམ་པའི་ལེའུ་སྟེ་བཅུ་དགུ་པའོ།། །། དེ་ནས་བཅོམ་ལྡན་འདས་ཀྱིས་ལས་སྣ་ཚོགས་གསལ་བའི་ཏིང་ངེ་འཛིན་ལ
iiif viewer powered by OpenSeadragon
