| e-texts navigator |
| Wylie |
116a1 བླང་།། དྲང་སྲོང་སྤྱོད་པས་བརྩོན་འགྲུས་བསྒྲུབ།། བུ་བཞིན་མ་ཡི་ངག་ལ་སྤྱད།། དཀའ་བ་ཐམས་ཅད་དང་དུ་བླང་།། བགེགས་དང་འབྱུང་པོ་ཐོག་བརྫིས་བྱ།། ལུས་ངག་ཡིད་གསུམ་ལྷ་སྐུར
116a2 སྦྱར།། ཕག་གི་བརྟུལ་ཞུགས་ཆེན་པོ་ཡིས།། ཁམས་གསུམ་ཁྲོན་ཏུ་བརྐོ་བར་བྱ།། ཁྱི་ཡི་བརྟུལ་ཞུགས་ཆེན་པོ་ཡིས།། བདུད་རྩི་ཟས་སུ་ཟ་བར་བྱ།། རྡོ་རྗེ་རྟ་ཡི་བརྟུལ་ཞུགས་ཀྱིས།། རྟ་སྐད་ཐེངས་གསུམ་འབོད་པར
116a3 བྱ།། དཔལ་གྱི་རྟ་སྐད་ཆེན་པོ་ཡིས།། ཡང་དག་སྐུ་གསུམ་དབྱིངས་ནས་བསྐུལ།། མ་མོའི་བརྡའ་སྐད་སྦྲན་པ་ཡིས།། བརྡའ་སྐད་ཀློང་རྡོལ་ལས་ལ་རྦད།། རྣལ་འབྱོར་གསང་བ་བརྡའ་སྐད་ཀྱིས།། མཉམ་དང་བསྐུལ
116a4 དང་རྟགས་ཙམ་འཛིན།། ཤ་རུལ་དོང་དུ་བཅུག་པ་ལ།། ཤ་སྦྲང་ཤིན་ཏུ་འདུ་བ་དང་།། སྦྱང་དང་ལུག་བཞིན་བྲེད་པ་དང་།། ཁྱི་དང་ཕག་བཞིན་རྦད་པར་འགྲོ།། དཔལ་གྱི་ཕེཾ་བརྡབས་ཧཱུཾ་སྒྲ་ལས།། བསྒྲུབ་པའི
116a5 དབྱངས་དང་ཚངས་པ་ཡིས།། ཞིང་ཁམས་རི་རབ་རྩེ་ལ་བླངས།། གསུམ་ཞེས་བྱ་བ་དགུ་ཡི་ཆོས།། ལྟ་བ་སྤྱོད་དང་བསྒོམ་པ་དང་།། འབྲས་བུ་བཞིན་དུ་གར་གྱུར་པ།། རྦད་པས་ཐལ་བ་བཞིན་དུ་རློག། ལྷ་སྲིན་ཐམས
116a6 ཅད་དབང་དུ་སྡུས།། དཔལ་གྱི་སྐུ་དང་གཉིས་སུ་མེད།། འདི་ནི་རྣལ་འབྱོར་སྤྱོད་པ་ཡིན།། དབང་ཆེན་འདུས་པའི་རྒྱུད་ལས།། སྤྱོད་པ་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་བཅོམ་ལྡན་འདས
iiif viewer powered by OpenSeadragon
