| e-texts navigator |
| Wylie |
115b1 དག་པས།། སྤང་བར་བྱ་བའི་རྒྱུ་ཡང་མེད།། རང་གི་ཕུང་པོ་ལྟར་ཤེས་ནས།། རིགས་ལྔའི་སངས་རྒྱས་ལོགས་ན་མེད།། ཡོན་ཏན་མཐའ་དག་ལྡན་གྱུར་ན།། བསྒྲུབ་ཅིང་དང་དུ་ཡོངས་ཀྱིས་བླང་།། རྒྱལ་བློན་ཕལ་པ
115b2 ལྷ་སྲིན་ལྡང་།། ནད་མང་ནོར་འབྲི་ཚེ་ཐུང་བས།། མྱུར་དུ་གསོ་བའི་ལས་ལ་འབད།། མཆོད་པ་སྣ་ཚོགས་གཏོར་བསྐང་བས།། རྩ་བ་ལ་ནི་གསུམ་ཡིན་ཏེ།། ཡན་ལག་རྒྱུན་དུ་བསྐང་བ་དང་།། རྩ་བ་ཉམས་པའི་རྣལ
115b3 འབྱོར་པས།། བསྐལ་པ་གཅིག་གཉིས་གསུམ་བར་དུ།། རྡོ་རྗེའི་དམྱལ་བར་སེམས་རྒྱུན་འཚིག། ཡན་ལག་ཉམས་ན་ངན་འགྲོར་ལྟུང་།། ཚེ་འདིར་བསམ་པ་འགྲུབ་པ་དང་།། ཕྱི་མར་སངས་རྒྱས་ས་ལ་འགྲོ།། དེ་ཕྱིར
115b4 རྣལ་འབྱོར་དམ་ཚིག་བསྲུང་།། ཁྱད་པར་སྒྲུབ་པ་བྱེད་པའི་ཚེ།། ལུས་ངག་ཡིད་ཀྱི་བྱ་བ་ཡིས།། སྟོན་པའི་བཀའ་བཞིན་བསྲུང་བར་བྱ།། དེ་བས་མ་ཡི་ངག་ལྟར་ཉོན།། དབང་ཆེན་འདུས་པའི་རྒྱུད་ལས།། དམ་ཚིག་གི
115b5 ལེའུ་སྟེ་བཅུ་དྲུག་པའོ།། །། དེ་ནས་བཅོམ་ལྡན་འདས་ཀྱིས་བརྟུལ་ཞུགས་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ།། ཁྱུང་ཆེན་བརྟུལ་ཞུགས་ལྟ་འཕང་བཅད།། གླང་ཆེན་ལྟ་བུར་སྤྱོད
115b6 པ་དོར།། ཝ་ལྟར་ཆོས་དང་མི་མཐུན་དོར།། གྱི་ལིང་ལྟ་བུར་བརྩོན་འགྲུས་མྱུར།། ཁྱི་ཕག་ལྟ་བུར་གཙང་སྨེ་སྤང་།། བུ་ཆུང་ལྟ་བུར་བླང་དོར་བྲལ།། སྨྱོན་པ་ལྟ་བུར་འཇིགས་མེད་སྤྱད།། བུང་བ་ལྟ་བུའི་བདུད་རྩི
iiif viewer powered by OpenSeadragon
