| e-texts navigator |
| Wylie |
114a1 ཆེན་འདུས་པའི་ཏན་ཏྲ་ལས། སྔགས་ཀྱི་ལེའུ་སྟེ་བཅུ་གསུམ་པའོ།། །། དེ་ནས་བཅོམ་ལྡན་འདས་ཀྱིས་ཁྲོ་བོའི་ཕྱག་རྒྱ་འདི་དག་གསུངས་སོ།། རིགས་ལྔ་སྤྱི་ཡི་ཕྱག་རྒྱ་ཡིས།། རྡོ་རྗེ་དབྱིངས
114a2 ཀྱི་དཀྱིལ་འཁོར་གསལ།། སྤྱི་གཙུག་རྒྱལ་བའི་ཚུལ་ཕྱག་འཚལ།། རྟག་དོང་ཞལ་གྱི་ཕྱག་རྒྱ་ཡིས།། རྟ་མགྲིན་བརྐྱང་བསྐུམ་སྲིན་པའི་ཕྱག། རིག་བྱེད་ལྕགས་ཀྱུས་ཕྱག་རྒྱ་ཡིས།། སེམས་དཔའ་བསམ་གཏན་མི
114a3 གཡོའི་ཕྱག། ལུ་གུ་རྒྱུད་ཀྱི་འགྲོ་བ་འདུལ།། མ་མོ་འཛུམ་པའི་མདངས་དང་ལྡན།། རྣམ་པར་རྒྱལ་བ་ཁྱུང་གཤོག་རྫོགས།། ཀླུ་འབྲུག་འབྲོས་པའི་རྒྱ་དང་བཅས།། བརྐྱང་བསྐུམ་ཕུང་བ་ཧཱུཾ་མཛད་འདྲེན།། དྲང་སྲོང
114a4 ཙོག་པུའི་ཚུལ་ཕྱག་འཚལ།། ལྷ་མོ་འཛུམ་མདངས་གཟི་དང་ལྡན།། དམ་ཚིག་སྦྱོར་བའི་ཚུལ་ཕྱག་བྱ།། ཀླུ་བྲོ་གར་ཕྱག་པདྨ་དབང་།། ཐལ་སྦྱར་མི་ཡི་ཕྱག་ཀྱང་འཚལ།། སྦྲུལ་ནག་ཞགས་པ་སྤྲུལ་པ་རྣམས།། དམ
114a5 ཚིག་སྦྱོར་བའི་ཚུལ་དུ་བྱ།། དབང་ཆེན་འདུས་པའི་ཏན་ཏྲ་ལས། ཕྱག་རྒྱའི་ལེའུ་སྟེ་བཅུ་བཞི་པའོ།། །། དེ་ནས་བཅོམ་ལྡན་འདས་ཀྱིས་ཆོས་ཐམས་ཅད་དང་དུ་བླང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར
114a6 ཞུགས་ནས་འདི་གསུངས་སོ།། ཐོག་མར་ཤེས་པ་དམ་པ་སྟེ།། དེ་ཡང་ལུང་དང་མན་ངག་ཤེས།། མི་འཁྲུགས་སྦྱོར་བའི་རྒྱུ་བཙལ་ནས།། བརྡའ་སྐད་ཚོགས་ལ་མཁས་པའི་གིང་།། ལས་དང་ཕྱག་རྒྱ་ལེན་ཤེས
iiif viewer powered by OpenSeadragon
