| e-texts navigator |
| Wylie |
109b1 བཟུང་ནུས་སྟོབས་མཚུངས།། གནོད་པ་མེད་པའི་ལོ་བཅུ་ཡིན།། བཅུ་གཞན་རྒྱགས་མྱོས་བཏང་བཟུང་ཟ།། བཅུ་བས་མྱོས་ཆུ་ཚེ་འཕེལ་བྱ།། བཅུ་གཞན་མྱོས་པའི་རླུང་ཟ་བྱེད།། མེ་རླུང་བཏང་བཟུང་ལོངས་སྤྱོད
109b2 འཕེལ།། མེ་ཆུ་རླུང་རྒྱས་ཆུ་རླུང་འདྲེས།། དེ་ལྟར་ལོ་བཅུ་གཞན་དུ་ཕྱིན།། ཆུ་བཞི་འབྲས་བུ་བཞིན་དུ་འགྱུར།། རང་སེམས་ཐིག་ལེ་རོལ་པའི་སྐུ།། གཡས་དཀར་གཡོན་སྡེ་དབུས་དམར་བ།། རྟ་མགོ་ལྗང་གུ་རྟ་སྐད
109b3 འཚེར།། རྡོ་རྗེ་རལ་གྲི་ལྕགས་སྒྲོག་དང་།། ཐོད་པ་ལྕགས་ཀྱུ་ཞགས་པ་རྣམས།། ཞབས་བཞི་རིགས་བཞི་ཀླུའི་སྟེངས་ན།། ངོ་བོ་ཉིད་ཀྱི་ཡུམ་དང་འཁྲིལ།། ཐིག་ལེ་རོལ་པས་འདི་གསུངས་སོ།། མཐར་ནི་མི་གནས
109b4 འཕོ་བ་ཡིས།། མི་ཤིགས་འཆི་བ་འོད་གསལ་བྱེད།། སྣང་བ་གསུམ་དང་རླུང་མཉམ་པས།། བར་དོར་དངངས་ཤིང་ལུས་རྣམས་ལེན།། ཞལ་གསུམ་དཀར་དམར་བཻ་ཌཱུརྱ།། སྐུ་གསུང་ཐུགས་ཀྱི་ཁྱུང་གསུམ
109b5 རྫོགས།། ཞིང་དབྱུག་རལ་གྲི་རྩེ་དགུ་དང་།། ལྟོ་འགྲོའི་ཞགས་པ་གཡོན་པ་སྟེ།། བེ་ཅོན་མགོ་གཉིས་རྡོ་རྗེ་བསྣམས།། ཡེ་ཤེས་ཆེན་པོས་འདི་གསུངས་སོ།། རླུང་དང་རྣམ་ཤེས་འདྲེས་པའི་ལས།། ཇི་ལྟར་ལྷ་ཡི་སྐུ
109b6 རྣམས་ནི།། ཡོངས་སུ་གསལ་བར་བསྐྱེད་པ་ཡི།། བྱ་བ་ཀུན་ཡང་འགྲུབ་པར་བྱེད།། དཀར་དམར་སྔོ་བའི་ཞལ་གསུམ་མདོག། རྡོ་རྗེ་རིན་ཆེན་དབྱུག་པ་གཡས།། ཁྲོ་འཛུམ་མ་ཆགས་པདྨ་གཡོན།། བདེ་བ་ཆེན་པོས
iiif viewer powered by OpenSeadragon
