| e-texts navigator |
| Wylie |
108b1 རྣ་བ་སྣ་དང་ནི།། ལྕེ་དང་ལུས་དང་སྐྱེ་མཆེད་ལ།། རླུང་གི་ཆ་དང་སྣ་དང་ནི།། བསྙེན་བཀུར་ལྐོག་ཤལ་མཆིན་པར་གནས།། ཤེས་རབ་རྟ་མགྲིན་དབང་གི་སྐུ།། དབུ་གསུམ་རྟ་མགོ་ལྗང་གུ་ནི།། རལ་པ་དམར་པོ་གྱེན
108b2 དུ་འཁྱིལ།། ལྕགས་སྒྲོག་རལ་གྲི་དགྲ་སྟ་གཡས།། ལྕགས་སྒྲོག་གཤོལ་དང་ཐོ་བ་གཡོན།། བརྐྱང་བསྐུམ་ཆུ་བདག་ཉིད་སྟེང་བགྲད།། ཨེ་ཀ་དམར་ནག་དུར་ཁྲོད་ཆས།། ཁ་ཊྭཱཾ་ཐོད་རློན་དམར་བཀང་སྟོབ།། ཕྲ་མེན
108b3 བྱོ་ལ་པུ་ཤུད་མགོ། དམར་ནག་བསྐལ་བའི་མེ་འབར་བ།། ལྕགས་ཀྱུ་ཕུར་པ་འཛིན་ཅིང་འདེབས།། རྩ་བའི་ལྷ་བཞི་འདི་གསུངས་སོ།། བག་ཆགས་ཉོན་མོངས་རླུང་ངོ་བོ།། དབང་པོ་གཉིས་དང་མཉམ་སྦྱོར
108b4 འཇུག། སྲོག་རླུང་ཉ་འདྲ་དང་པོར་འཕོ།། གཉིས་པ་ཐུར་སེལ་རུས་སྦལ་འདྲ།། གསུམ་པ་གྱེན་རྒྱུ་ཕག་རྒོད་འདྲ།། དྲུག་པ་ཁྱབ་བྱེད་སེང་གེ་འཕོ།། ལྔ་ཡང་མཉམ་གནས་མི་ཡི་གཟུགས།། དྲུག་པ་ལས་རླུང་ས་ཁམས
108b5 མིག། བདུན་པ་རྣ་བར་རུས་སྦལ་ཆུ།། བརྒྱད་པ་རྩ་རླུང་སྣ་བུག་མེ།། དགུ་པར་ལྷ་སྦྱིན་རླུང་ཁམས་རོ།། བཅུ་པ་གཞུ་རྒྱབ་ལུས་ཁམས་ཅན།། སངས་རྒྱས་སྤྲུལ་པའི་སྐུ་འདྲ་བ།། རབ་ཏུ་སྐྱེ་བར་དེ་ཡིས་བྱ།། པདྨས
108b6 གར་གྱི་དབང་ཕྱུག་ནི།། ཞལ་གསུམ་ཕྱག་བརྒད་ཞབས་བཞིར་བགྲད།། དཀར་དང་དམར་ནག་ལྗང་ནག་ཞལ།། དབུ་གཙུག་རྟ་མགོ་ལྗང་གུ་ནི།། གྱེན་དུ་ཁ་གདངས་རྟ་སྐད་འཚེར།། ཁ་ཊྭཱཾ་རལ་གྲི་རྡེའུ་ཆུང
iiif viewer powered by OpenSeadragon
