| e-texts navigator |
| Wylie |
107b1 དང་།། ཡུལ་དཔོན་བཙུན་ཆེན་ཉེ་བ་དང་།། མིག་དང་དོན་སྙིང་ཟ་ན་འགྲུབ།། སྦྲང་པོ་དབྱུག་པ་ཐོགས་པ་ངན།། བླང་བྱེད་ཁྲི་ཚོས་འབྲེལ་བ་དང་།། ལུས་ངག་སེམས་ཀྱི་ལས་སུ་ནི།། བསྐོར་བ་བཟླས་བརྗོད་ཏིང
107b2 འཛིན་ཡིན།། བསྙེན་པ་ཐབས་ཀྱིས་བསྐོར་བར་བྱ།། རྦད་བསང་ཤེས་རབ་མེ་དང་མཚུངས།། སྦྱིན་བསྲེག་ཐལ་བ་ཕྱར་རམ་ནན།། དམ་ཚིག་ལ་སྡང་སྨོས་ཅི་དགོས།། དབང་ཆེན་འདུས་པའི་ཏན་ཏྲར་ལས།། རུ་ཏྲ
107b3 བསྒྲུབ་པ་ཁྲོ་བོའི་གླེང་གཞི་བཅས་པ་སྟེ་ལེའུ་བཅུ་པའོ།། །། དེ་ནས་བཅོམ་ལྡན་འདས་ཀྱིས་ཁྲོ་བོ་ཐམས་ཅད་རབ་ཏུ་གསལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་དོ།། བདེ་བ
107b4 ཆེན་པོ་གར་དབང་ཕྱུག། པདྨ་རཱ་ག་ཀུན་ཏུ་ཞལ།། དབུ་ལྔ་མགོ་ལྔ་གཤོག་པ་བཞི།། ཤར་དུ་རོལ་པའི་ཕྱག་མཚན་ནི།། ཁྲོ་ཆེན་སྙིང་འབྱིན་ཁ་ཊྭཱཾ་ག། རྡོ་རྗེ་ལྕགས་ཀྱུ་སྦྲུལ་ཞགས་དང་།། ལྷོ་རུ་རོལ་པའི་ཕྱག་མཚན
107b5 ནི།། ཐོད་ཁྲག་རྡོ་རྗེ་ལུ་གུ་རྒྱུད།། རྡོ་རྗེ་བེ་ཅོན་རྡེའུ་ཆུང་།། ནུབ་ཀྱི་ཕྱག་བཞིར་བསྣམས་པ་ནི།། མེ་ཡི་ཞགས་པ་ཁྱུང་གི་ཁྭ།། སྡིགས་མཛུབ་མེ་འབར་ཁ་ཊྭཱཾ་འཁྲོལ།། བྱང་གི་ཕྱག་བཞིར་བསྣམས་པ་ནི།། རྡོ་རྗེ་དགུ་ལྔ
107b6 གསུམ་གཅིག་བརྡེག། ཞབས་བརྒྱད་ཁྲོ་བརྫིས་རྒྱན་དང་ལྡན།། སྐུ་ཡི་དབང་ཆེན་འདི་གསུངས་སོ།། སྲོག་དང་རྩོལ་བའི་བདག་ཉིད་ཅན།། འཇུག་གནས་ལྡང་བས་ཕྱི་དང་ནང་།། དེ་གཉིས་འབྲེལ་བའི་བདག་ཉིད
iiif viewer powered by OpenSeadragon
