| e-texts navigator |
| Wylie |
106a1 གཏོར་མས་མཆོད།། རྟག་ཏུ་དམ་ཚིག་ལ་གནས་བྱ།། ཨུཙྪིཿཀྵེ་ཏྲ་ལཱ་ལ་ཡེ་ཧྱེ་ཧི་ཙཀྲ་ཨུཙྪིཥྚ་སུ་བྷོ་ཛ་ནཾ་བི་བ་པི་བ་བྷ་ཀྵཱ་བྷ་ཀྵ་སརྦ་སིདྡྷི་མྨེ་པྲ་ཡཙྪ་མེ་ཨཱཿཧཱུཾ་ཕཊ་སྭཱ་ཧཱ།། ཞེས་སུངས་སོ།། དབང་ཆེན
106a2 འདུས་པའི་རྒྱུད་ལས།། དཀྱིལ་འཁོར་དང་དབང་བསྐུར་བའི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་ཀྱིས་མཉེས་པ་ཆེན་པོ་འདི་གསུངས་སོ།། ཨོཾ་བསོད་ནམས་ཡེ་ཤེས་ཚོགས་རྫོགས་སྐུ།། རྡོ
106a3 རྗེའི་གསུང་དབྱངས་དྲུག་ཅུར་སློབ།། མི་རྟོག་ཐམས་ཅད་མཁྱེན་པའི་ཐུགས།། ཡོན་ཏན་མ་ལུས་རེ་བ་སྐོང་།། ཞི་རྒྱས་དབང་དྲག་ལྷུན་གྲུབ་པ།། རྡོ་རྗེ་དབྱིངས་ལ་ཕྱག་འཚལ་ལོ།། ཨ་ཧོ།། ཧཱུཾ་དྲི་མེད་རྣམ་དག་ཞི་བ
106a4 ལས།། སྤྲོས་པ་ཐམས་ཅད་རབ་ཞི་བའི།། ཡེ་ཤེས་ཚོགས་མཆོག་མངའ་བརྙེས་པ།། རང་བཞིན་དག་པས་ཆོས་ཀྱི་སྐུ།། ཐུགས་རྗེས་སྡུག་བསྔལ་སེལ་མཛད་པ།། བསོད་ནམས་ཚོགས་རྫོགས་གཟུགས་ཀྱི་སྐུ།། ལས
106a5 དང་ཉོན་མོངས་ཤེས་བྱ་ཡི།། དྲི་མ་སྤངས་པའི་སྐུར་སྤྲུལ་པ།། གསུང་མཆོག་སྐུ་གསུམ་དག་པ་ལ།། ལུས་ངག་སེམས་ཀྱིས་ཕྱག་འཚལ་བསྟོད།། ཐུགས་རྗེ་ཆེན་པོས་གཟུང་བ་དང་།། ཡེ་ཤེས་སྣང་བ་གསལ་བར
106a6 མཛོད།། ཨ་ཧོ།། ཨོཾ་ཆོས་དབྱིངས་སྐྱེ་བ་མེད་པ་ལས།། ཐུགས་རྗེའི་དབང་གིས་སྐུར་བཞེངས་པ།། དབང་མཆོག་རྡོ་རྗེ་སེམས་དཔའ་ནི།། སངས་རྒྱས་ཀུན་གྱི་གསང་བའི་ཐུགས།། རབ་ཏུ་མི་རྟོག་དངོས་མེད
iiif viewer powered by OpenSeadragon
