| e-texts navigator |
| Wylie |
105b1 དཔོན་དང་།། ཉན་དང་འཆད་དང་ཕྲིན་ལས་དང་།། རྡོ་རྗེ་རྒྱལ་པོ་འགྲུབ་པ་ཡི།། དབང་མཆོག་འདོད་ལ་ཚིམ་པར་བྱ།། གཟུངས་མ་བསྟན་པ་ཞུ་བའི་ཕྱིར།། གདོལ་བ་མོ་དང་ཁྲུས་མཁན་འོང་།། སྨེ་ཤ་ཅན་དང་གར
105b2 མཁན་མ།། རོ་སྲེག་མོ་དང་བྲམ་ཟེ་མོ།། འགྲུབ་འགྱུར་དོན་དུ་རྣལ་འབྱོར་པས།། བདག་ཉིད་རོ་གཅིག་གནས་པར་བྱ།། རིན་ཆེན་པདྨ་དེ་བཞིན་ལས།། འཁོར་ལོའི་རིགས་སུ་ཤེས་པར་བྱ།། རྡོ་རྗེའི་རིགས་སུ་བརྗོད
105b3 པ་དེའོ།། མ་དང་སྲིང་མོ་བུ་མོ་དང་།། ཆུང་མ་མནའ་མའམ་སྒྱུག་མོ་དང་།། ལུགས་ལས་ལྡོག་པར་ཤེས་པ་ཡིན།། སེམས་དང་ངག་ལུས་སྲོག་དང་ནི།། ཐུར་སེལ་དབུ་མའི་རླུང་ཞེས་བྱ།། ས་ཆུ་མེ་རླུང་ནམ་མཁའ
105b4 དང་།། ནམ་མཁའ་ཆེན་པོར་རབ་ཤེས་ནས།། མངར་སྦྱར་ཁ་བ་ལན་ཚྭ་རོ།། བསྐ་བ་ཚ་བ་དངོས་གྲུབ་སྟེ།། དེ་དག་ཤེས་ནས་རང་བཞིན་མེད།། དེ་ལ་དངོས་གྲུབ་བླང་བར་བྱ།། དགའ་བ་མཆོག་དགའ་དགའ་བྲལ
105b5 དང་།། ལྷན་ཅིག་སྐྱེས་པའི་ཡེ་ཤེས་སོ།། བ་དང་བེའུ་བྱ་དང་བྱིའུ།། བུང་བ་མེ་ཏོག་ལས་ཤེས་ཏེ།། རང་བཞིན་བདེ་བ་བླང་བྱ་ཞིང་།། སངས་རྒྱས་རྣམས་ལ་མཆོད་པ་འབུལ།། ཤིན་ཏུ་ཆགས་བྲལ་ཆགས་ཆེན
105b6 པོས།། བདེ་བ་ཆེན་པོ་བླང་བར་བྱ།། རང་ལུས་སྲོག་དང་རྒྱལ་སྲིད་དང་།། གཅེས་པའི་རྣམ་པས་མནོས་པར་བྱ།། འདི་དང་ཕྱི་མར་བདེ་ལྡན་པའི།། ཡོན་ཏན་བརྗོད་ལས་འདས་པར་འགྱུར།། གང་ཡིན་བགེགས་ལ
iiif viewer powered by OpenSeadragon
