| e-texts navigator |
| Wylie |
103b1 པར་དག་པའི་སྤྱོད་ཡུལ་བསྟན་པའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་ཀྱིས་དཀྱིལ་འཁོར་ཡོངས་སུ་གསལ་བ་འདི་གསུངས་སོ།། དམིགས་པ་ཕྲ་བའི་རིག་པ་ནི།། གཙོ་བོའི་བསྙེན་པ་འབུམ་དུ
103b2 བྱ།། འཁོར་རྣམས་ལ་ནི་ཁྲི་ཡིན་ཏེ།། དགེ་སློང་རྡོ་རྗེ་འཛིན་པས་བྱ།། དུར་ཁྲོད་དང་ནི་ཁང་ཁྱིམ་དང་།། རི་བོ་དབེན་གནས་ས་ཕྱོགས་སུ།། ས་དང་བར་སྣང་ནམ་མཁའ་བརྟབ།། འབྲུ་ལྔ་ཕྲ་བཀོད་སོར་མོ
103b3 ཡིས།། དབང་གི་ཕུང་བ་སོར་བཞི་པས།། གདབ་པར་བྱ་ཞིང་མེ་ཡིས་སྦྱང་།། ལས་དང་བྱ་བ་ཏིང་འཛིན་སྦྱང་།། དེ་ན་གནས་པའི་འབྱུང་པོ་ལ།། འཚོ་བྱེད་བསྐྲད་ལ་ཐལ་མོ་བརྡབ།། ས་ལ་ལན་གསུམ་སྔགས་ཀྱིས
103b4 སྦྱང་།། ཨོཾ་བཛྲ་ཀྲོ་དྷ་ཛ་ལ་ཨ་ན་ལཱརྐ་ཧཱུཾ་ཕཊ། ཨོཾ་ཨུངྒ་ཙྪ་ཏ། ཨོཾ་ཨུངྒ་ཙྪ་ཏ། སརྦ་བྷཱུ་ཏ་གྲ་ཧ་ཨཱཏྨ། ཨོཾ་ཨཱཿཧཱུཾ། བཛྲ་སཏྭ་ཨཱ་བེ་ཤ་ཏེ་ཧཱུཾ་ཕཊ། གསེག་མ་མགལ་དུམ་སྦྲན་པ་དང་།། བ་ཚ་གྱོ་མོ་སྤང་པ་ཡི།། མཉམ་ཞིང
103b5 མེ་ལོང་ལྟར་འཇམ་པ།། རྣམ་པ་ལྔ་ཡིས་བྱུག་པར་བྱ།། ཕྱི་ནང་གསང་བའི་སྐུད་པ་ཡིས།། རབ་ཏུ་མཉམ་གྱུར་གྲུ་བཞི་པ།། སྐུ་གདུང་ཉི་ཤུ་ལྔ་ཡང་སྦ།། སྐུ་གསུང་ཐུགས་ལས་བྱུང་བ་ཡི།། དཔའ་བོ་འབྲུ་ལྔས་བསྐྲད
103b6 པར་བྱ།། ཚངས་ཐིག་བཏབ་ནས་ཐིག་སྐུད་ལ།། ཞལ་བསིལ་ཆུ་ཡིས་གསང་བར་བྱ།། ཨོཾ་ཨ་མོ་གྷ་པདྨ་བ་སུ་དྷ་ར་དྷ་ར། དྷ་ར་ཎི་མཎྜལ་ཧཱུཾ། ཤར་ལྷོ་ནུབ་བྱང་ལ་སོགས་པ།། ཇི་ལྟར་འདོད་པའི་ཆ་ཕྱེད་ནས།། ནོར
iiif viewer powered by OpenSeadragon
