| e-texts navigator |
| Wylie |
103a1 ཤིང་དབང་པོ་མྱོང་བ་དང་།། ཟ་བྱེད་ཀུན་ཏུ་རྒྱུ་བ་དང་།། ཀླུ་དང་རུས་སྦལ་རྩངས་པ་དང་།། ལྷ་སྦྱིན་དང་ནི་གཞུ་ལས་རྒྱལ།། ཕུང་པོ་རྣམ་ཤེས་མ་ལུས་ཀུན།། འདི་དོན་ཤེས་ནས་གཟུང་བར་བྱ།། བྱེད
103a2 པ་ཅན་གྱི་རླུང་འདི་ཡང་།། རྣམ་ཤེས་ཁམས་དང་འདྲེས་ནས་སུ།། དབང་པོའི་སྲང་ནས་ཐོན་འགྱུར་ཏེ།། ཡུལ་རྣམས་ཀུན་ལ་འཇུག་པས་ན།། སྣང་དང་མཆེད་དང་ཐོབ་པ་དང་།། ཉེ་བར་ཐོབ་པར་བྱེད་པ
103a3 དང་།། ཡུལ་ཅན་གཞན་ལ་ལོག་པ་ན།། ཡུལ་ལ་དངོས་པོར་སུ་ཞིག་འཛིན།། རྣམ་ཤེས་ནང་དུ་འཇུག་པ་ཡང་།། རླུང་ལ་དངོས་པོར་མ་གྲུབ་པས།། སེམས་ལ་དངོས་པོར་སུ་ཞིག་འཛིན།། ཡུལ་སེམས་རབ་ཏུ་རྟོགས
103a4 གྱུར་ན།། གདབ་ལྟས་པདྨ་དབང་གི་ལྷ།། ཇི་ལྟར་སྤྲད་ཀྱང་སྐྱོན་མེད་པས།། དབང་ཆེན་ཞེས་ཀྱང་དེ་ལ་བྱ།། གང་ཟག་ཉེ་ལམ་བསྒྲུབ་འདོད་པས།། གནས་ཁང་ཤིན་ཏུ་མུན་ནག་སར།། རྡོ་རྗེ་གཙུག་ཏོར་ལྟ་སྟངས
103a5 ཀྱི།། ངེས་པ་ཁོ་ན་འགྲུབ་པ་སྟེ།། དེ་ལྟར་ཇི་ལྟར་བསྒོམ་ཞེ་ན།། ཞབས་ཀྱིས་རྡོ་རྗེ་བཅའ་བ་དང་།། ཕྱག་གཉིས་ཁུ་ཚུར་སྟ་ཟུར་མནན།། སྤྱན་གཉིས་རི་རབ་ནང་དུ་སྦ།། ལྕེ་རྩེ་གྱེན་གཏད་ཞལ་ཡང་གདངས།། སྲོག
103a6 གི་རྩ་ནས་ཡེ་ཤེས་རླུང་།། སྤྱི་བོ་ཚངས་པའི་བུ་གར་འདོན།། འཇའ་ཚོན་སྣ་ལྔའི་འོད་ལ་བལྟ།། ངེས་པར་ཐོག་འགྱུར་ཐེ་ཚོམ་མེད།། ཅེས་གསུངས་སོ།། དབང་ཆེན་འདུས་པའི་ཏན་ཏྲ་ལས། ཐུགས་ཡོངས་སུ་རྣམ
iiif viewer powered by OpenSeadragon
