| e-texts navigator |
| Wylie |
102b1 འདུས་པའི་ཏན་ཏྲ་ལས། གསུང་གི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་ཀྱིས་ཐུགས་ཡོངས་སུ་དག་པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ།། ཉི་ཟླ་འབྲུ་ལྔའི་འོད་ཟེར
102b2 ལས།། སྐུར་བའི་ཕྱག་རྒྱ་རྣམས་པར་བསྒྱུར།། འཁོར་ལོ་རྡོ་རྗེ་རིན་པོ་ཆེ།། པདྨ་རལ་གྲི་དྲིལ་བུར་བཅས།། རིན་ཆེན་མྱུ་གུ་རལ་གྲི་དང་།། པདྨ་དཀར་པོ་རྡོ་རྗེ་དང་།། ཀླུ་ཤིང་ཆོས་ཀྱི་འཁོར་ལོ་དང་།། ཨུཏྤལ་རིན
102b3 ཆེན་སྙེ་མ་འཛིན།། མེ་ལོང་ཕྲེང་བ་པི་ཝང་གར།། མེ་ཏོག་བདུག་པ་མར་མེ་དང་།། དྲི་ཆབ་འཐོར་བས་དགྱེས་པར་རོལ།། པི་ཝང་གོ་ཆ་གསེག་པར་དང་།། ཆོས་ཀྱི་པོ་ཏི་རིན་ཆེན་སྒྲོམ།། མེ་ཆུ་མཉམ་གཞག་འོད་ཟེར
102b4 འཕྲོ།། ཐོད་དབྱུག་རྡོ་རྗེ་སྦྲུལ་ཞགས་རྒྱ།། ལྕགས་ཀྱུ་ཞགས་པ་ལྕགས་སྒྲོག་དྲིལ།། དམ་ཚིག་རང་གི་ཡོན་ཏན་དངོས།། རྒྱལ་སྲས་རྣམས་ཀྱིས་རྒྱས་བཏབ་པ།། ལས་ཀྱི་རྣམ་སྨིན་ངེས་པ་ཡིས།། ཀུན་ནས་རྒྱས་བཏབ
102b5 ལྟ་བུར་གནས།། གང་ཡང་འདི་ནི་ལས་གང་གིས།། དེ་འབྲས་ཇི་ལྟ་བཞིན་དུ་འགྱུར།། ཆོས་མེད་རང་བཞིན་མེད་པ་ཉིད།། རང་བཞིན་གྱིས་ནི་རྒྱས་བཏབ་ནས།། སྟོང་དང་སྙིང་རྗེ་མི་ཕྱེད་པ།། སངས་རྒྱས་ཞིང
102b6 ནི་རྣམ་སྦྱོང་བ།། དེ་བཞིན་གཤེགས་པའི་ཕྲིན་ལས་ནི།། ཡོངས་སུ་དག་པར་མཛད་པའི་ལས།། དེའི་རང་བཞིན་རང་བཞིན་མེད།། ཕྱག་རྒྱ་ཆེན་མོ་ཞེས་ནི་བརྗོད།། བདེ་གཤེགས་རྣམས་ཀྱི་ཐུགས་འཛིན་པ།། སྲོག
iiif viewer powered by OpenSeadragon
