| e-texts navigator |
| Wylie |
101a1 ཨ།། འཕེལ་འགྲིབ་མེད་པར་གནས་པ་ལས།། གཉིས་མེད་དགྱེས་པའི་འཕྲོ་འདུ་ལས།། བཞི་བཅུ་རྩ་གཉིས་འོད་དུ་འབར།། གསུང་གི་དཀྱིལ་འཁོར་བཞི་བཅུ་གཉིས།། སྒྲོ་བསྡུ་གསལ་བར་གྱུར་པ
101a2 ལས།། ཐུགས་མཆོག་བཞི་བཅུ་རྩ་གཉིས་འབར།། དེ་ལས་མངོན་རྫོགས་སྐུར་གསལ་ལོ།། གཟུགས་དང་རྣམ་ཤེས་ཚོར་བ་དང་།། འདུ་ཤེས་འདུ་བྱེད་ཕུང་པོའི་སྐུ།། ནམ་མཁའ་ས་ཆུ་མེ་རླུང་དབྱིངས།། རྡོ་རྗེ་སྐྱིལ
101a3 ཀྲུཀླུང་རྫོགས་སངས་རྒྱས།། ས་དང་ནམ་མཁའ་སྤྱན་རས་ཕྱག། སྒེག་མོ་ཕྲེང་བ་དབྱངས་དང་གར།། བྱམས་པ་སྒྲིབ་སེལ་ཀུན་བཟང་འཇམ།། མེ་ཏོག་སྤོས་དང་མར་མེ་དྲི།། ཕྱི་ནང་སེམས་དཔའི་ངོ་བོ་སྟེ།། རང་གི
101a4 རིགས་སུ་ངེས་པར་གསལ།། སྲིད་ཐུབ་འཛིན་དང་རྣམ་པར་རྒྱལ།། ཤཱཀྱ་སེངྒེ་རྣམ་པར་གནོན།། རྣམ་པར་སྣང་བྱེད་ཆོས་ཀྱི་རྒྱལ།། ཀུན་ཏུ་བཟང་པོ་བཟང་མོ་དང་།། གཤིན་རྗེ་སྟོབས་ཆེན་རྟ་མགྲིན་དང་།། བདུད
101a5 རྩི་ལྕགས་ཀྱུ་ཞགས་པ་དང་།། སྒྲོག་དང་དྲིལ་བུ་འཛིན་པ་ཉིད།། བཞི་བཅུ་རྩ་གཉིས་ལྷུན་གྱིས་གྲུབ།། དཀར་སེར་དམར་ལྗང་མཐིང་གའི་མདོག། འོད་ཟེར་བྱེ་བ་ཕྲག་རྣམས་འགྱེད།། ཅེས་གསུངས་སོ།། དེ་ནས
101a6 བཅོམ་ལྡན་འདས་ཀྱིས་དཀྱིལ་འཁོར་རབ་ཏུ་འདུས་པ་འདི་གསུངས་སོ།། དཀྱིལ་འཁོར་གྲུ་བཞི་སྒོ་བཞི་པ།། ཐིག་བཞི་བཏབ་པའི་ཕོ་བྲང་དུ།། དབུས་སུ་མི་བསྐྱོད་ཡབ་ཡུམ་འཁྲིལ།། དེ་ཡི་ཕྱག་ན་རྡོ་རྗེ
iiif viewer powered by OpenSeadragon
