| e-texts navigator |
| Wylie |
100b1 འོད་ཟེར་འཕྲོ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་གསུངས་སོ།། དམ་པའི་རྒྱུད་ལུང་མན་ངག་མཛོད།། ལྟ་སྤྱོད་ཏིང་འཛིན་གདེང་ལྡན་ལ།། རང་བཞིན་སྦྱངས་པ་ཁྱད་པར་སྣོད།། བདེན་སྨྲ་མི་བསླུ་བཀའ
100b2 བཞིན་བྱ།། ལྷ་སྤྱོད་མི་བསླུ་དོན་ལྡན་ནས།། བྱང་ཆུབ་མཆོག་ཏུ་སེམས་བསྐྱེད་དེ།། དེ་བཞིན་ཉིད་ཀྱི་ཏིང་འཛིན་ནི།། སྟོང་པ་ཉིད་ཀྱི་ཏིང་འཛིན་བསྒོམ།། གཉིས་པ་ཀུན་སྣང་ནམ་མཁའི་ངང་།། སྙིང་རྗེའི་ཡུལ་གྱིས
100b3 ཁྱབ་པའི་ཕྱིར།། མཚམས་སྦྱོར་ཆེན་པོའི་ཏིང་འཛིན་བསྒོམ།། གསུམ་པ་རང་གི་ས་ནོན་ཏེ།། རབ་ཏུ་བརྟན་པའི་ཡེ་ཤེས་ལ། དེ་ནས་ཕྲ་མོའི་ཨ་འཕྲོ་འདུ།། སྤྲོས་ཤིང་བསྡུས་ཀྱང་འཕེལ་འགྲིབ་མེད།། དེ་ལས་བདག
100b4 ཉིད་ཆེན་པོ་ནི།། ཐམས་ཅད་རྫོགས་པར་བསྐྱེད་བྱའོ།། རྒྱས་བཏབ་བྱིན་བརླབ་དབང་བསྐུར་བས།། རྩ་བའི་དཀྱིལ་འཁོར་རབ་ཏུ་རྫོགས།། ཐོག་མར་ཡབ་ཡུམ་རྣམ་གཉིས་མཁའ།། རྡོ་རྗེ་པདྨར་བྱིན་གྱིས
100b5 བརླབ།། གཉིས་མེད་འཁྲིལ་བར་དགྱེས་པ་ལས།། བྷ་གའི་དཀྱིལ་དུ་ལིངྒ་ལ། སྒྲོ་བསྡུས་དབྱིངས་སུ་འཁྱིལ་བ་ལས།། དབང་ཆེན་ས་བོན་འབྲུ་ལྔར་གྱུར།། ཨེ་ལས་ནམ་མཁའ་ཡཾ་ལས་རླུང་།། བཾ་ལས་རྒྱ་མཚོ་སུཾ
100b6 ལས་གསེར།། བྷྲཱུཾ་ལས་རིན་ཆེན་གཞལ་ཡས་ཁང་།། དབྱིབས་དང་ཁ་དོག་བསམ་ཡས་མཆོག། འཁོར་ལོ་གདན་དང་རོལ་མོའི་ཚོགས།། གདན་དང་རྒྱན་བཅས་ཡོངས་སུ་གྲུབ།། རྟེན་འབྱུང་ནམ་མཁའ་ཡི་གེ
iiif viewer powered by OpenSeadragon
