| e-texts navigator |
| Wylie |
329a1 པ།། དོན་དམ་སྐྱེ་བ་མེད་པའོ།། སྟོང་པ་ཉིད་ཀྱི་རང་བཞིན་ནོ།། ཁྱད་པར་སྔགས་ཀྱི་ངོ་བོ་ནི།། ཁྱེད་ལ་ངས་ནི་རབ་བཤད་ན།། སྔགས་ཀྱི་ངོ་བོ་ལྷ་ཡི་སྐུ།། དྲང་སྲོང་མཐུ་ལས་ཁྱད་པར
329a2 འཕགས།། ངེས་ཚིག་སྤྱི་དང་ཁྱད་པར་གཉིས།། སྤྱི་ཡི་ངེས་པའི་ཚིག་བཤད་པ།། སྐྱོབས་པའི་ཕྱིར་ན་སྔགས་ཡིན་ཏེ།། ཡིད་བསྐྱབ་པ་ཡི་དོན་ཡིན་ནོ།། ཁྱད་པར་སྔགས་ཀྱི་ངེས་ཚིག་ནི།། ཤེས་སྐྱོབ་ཡོན་ཏན་ལྡན་པ
329a3 ཡིན།། སྔགས་ཀྱི་དབྱེ་བ་རྣམ་པ་གཉིས།། སྤྱི་དང་བྱེ་བྲག་གཉིས་སུ་བཤད།། སྤྱི་ཡི་དབྱེ་བ་རྣམ་གཉིས་ཏེ།། ཀུན་རྫོབ་ཀྱི་ནི་སྔགས་ཞེས་བྱ།། ལྷ་ཡི་དཀྱིལ་འཁོར་ཡིད་ལ་བྱེད།། དོན་དམ་པ་ཡིས་སྔགས་ཞེས
329a4 པས།། གཉིས་སུ་མེད་པའི་རང་བཞིན་ཏེ།། སྟོང་པ་ཆེན་པོ་ཡེ་ཤེས་དང་།། དེ་ཡུལ་བྱེད་པའི་ཡེ་ཤེས་ཏེ།། ཡུལ་དང་ཡུལ་ཅན་ཡེ་ཤེས་ཏེ།། རྟོགས་པ་འཁོར་བ་བདག་ལ་སྐྱོབ།། བྱེ་བྲག་སྔགས་ཀྱི་དབྱེ་བ
329a5 གསུམ།། གསང་སྔགས་རིགས་སྔགས་གསང་སྔགས་ཡིན།། གསང་སྔགས་དོན་ནི་རྣམ་པ་བཞི།། བཟོད་པ་ཐོབ་པའི་རྒྱུར་འགྱུར་གཟུངས།། གསང་སྔགས་གཟུངས་དང་ཆོས་ཀྱི་གཟུངས།། དོན་གྱི་གཟུངས་ཞེས་བྱ
329a6 བར་འདོད།། བཟོད་པ་ཐོབ་པའི་རྒྱུར་འགྱུར་པས།། བསྐྱེད་རིམ་མཐར་ཕྱིན་རྣལ་འབྱོར་རམ།། མཚན་བཅས་རྫོགས་རིམ་རྣལ་འབྱོར་རམ།། མཚན་མེད་རྣལ་འབྱོར་ཨ་དང་ཧཱུཾ།། དེ་དག་བརྗོད་བྱ་ཐོབ་བྱེད
iiif viewer powered by OpenSeadragon
