| e-texts navigator |
| Wylie |
326b1 གྱི་བལྟ་སྤྱོད་ཀྱིས་དྲེགས་པ་ཐམས་ཅད་དབང་དུ་སྡུད་པར་མཛད་པར་ཡང་གཟིགས་སོ།། དེ་ནས་འགྲོ་བའི་རིགས་བསམ་ཡས་པ་ལ་གཟིགས་ནས། སེམས་ཉིད་སངས་རྒྱས་པ་ཡིན་པ་ལས། སྣང་བ་སྣོད་དང་བཅུད
326b2 དུ་སྣང་བ་འདི་ཐམས་ཅད་ནི། སེམས་ཉིད་ཆོས་སྐུ་ལས་སྣང་བ་ཆོས་སྐུའི་འོད་གསལ་དུ་གཏན་ལ་འབེབས་པའི་ཕྱིར། ཉིད་སྐུ་ཞལ་གསུམ་ཕྱག་དྲུག་པར་བསྟན་པ་ནི་དེ་ལྟ་སྟེ། དབུས་ཀྱི་སྐུ་མདོག་དཀར་དམར་པདྨ
326b3 རཱ་གའི་མདངས་སུ་གནས། གཡས་ཐུགས་ཀྱི་ཞལ་སྔོ་བ། གཡོན་ཡོན་ཏན་གྱི་ཞལ་སེར་བ། གཡས་དང་པོ་ལ་པདྨའི་སྡོང་བུ། བར་མ་ན་རྡོ་རྗེ་རྩེ་གསུམ། ཐ་མ་ན་མདའ་འཛིན་པ། གཡོན་དང་པོ་ན་བུམ་པ། བར་པ
326b4 ན་དཔལ་བེའུ། ཐ་མ་ན་གཞུ་འཛིན་པ། རྒྱན་རིན་ཆེན་སྣ་ཚོགས་པའི་ན་བཟས་མཛེས་པ། ཡུམ་ཕྱག་རྒྱ་མ་དང་བཅས་པ། དམར་པོ་རྡོ་རྗེ་དྲིལ་བུས་འཁྱུད་པ། རིན་ཆེན་སེང་གེ་ཉི་ཟླ་པདྨའི་ཁྲི་ལ། ཡེ་ཤེས་འོད
326b5 འཁྱིལ་གོང་བུའི་ནང་ན་བཞུགས་པ། ཞལ་ནས་གསང་བའི་སྔགས་བརྗོད་པ་ནི།། ཨོཾ་ཨཱ་རོ་ལི་ཀ། བཱི་རཱ་གར་ཏི་སྟྭཾ་སྭཱ་ཧཱ། ཞེས་བརྗོད་པས་འཁོར་གྱི་བྱང་ཆུབ་སེམས་དཔའ་རྣམས་ཀྱིས་མཐོང་བར་གྱུར་ཏེ། དེ་ནས
326b6 འཁོར་རྣམས་ཀྱིས་བསྟོད་པ་འདི་མཛད་ནས་བསྟོད་དོ།། ཧཱུཾ་དྲི་མེད་རྣམ་དག་ཞི་བ་ལས།། སྤྲོས་པ་ཐམས་ཅད་རབ་ཞི་བའི།། ཡེ་ཤེས་ཚོགས་མཆོག་མངའ་བརྙེས་པ།། རང་བཞིན་དག་པ་ཆོས་ཀྱི་སྐུ།། ཐུགས་རྗེས
iiif viewer powered by OpenSeadragon
