| e-texts navigator |
| Wylie |
324a1 མི་ཉུང་།། རང་གི་གཡས་སུ་གཞག་པར་བྱ།། སྒྲུབ་པ་དཀྱིལ་འཁོར་གྲུ་གསུམ་སྟེ།། མི་རྐང་སྐྱེད་པོ་བཞི་བཙུགས་ལ།། རབས་ཆད་ཐོད་པའི་ནང་དུ་ཡང་།། ར་ཁྱི་རྒྱ་བོ་མི་ཁྲག་དང་།། ཆུ་མིག་ཆུ་སྦྱར
324a2 བླུགས་པ་སྟེ།། གླང་མའི་བྱང་བུར་སྐུལ་ཚིག་བྲིས།། ཞིང་ལྤགས་ཁ་བཅད་སྟེང་དུ་གཞག། ཁམ་ཀོང་ཟུར་གསུམ་བདུན་ནང་དུ།། ཐུན་བདུན་ལེགས་པར་བཤམ་པར་བྱ།། དང་པོར་ཉུང་དཀར་ར་ཁྲག་བླུག། ཏྲག་ནི
324a3 རུ་མ་ཤ་སྭཱ་ཧཱ། གཉིས་པར་དྲེའུ་ཐོད་རུས་ཁྲག་བརྫིས།། མ་མ་དུ་ཡང་ཕཊ། གསུམ་པར་ཐོད་པར་ཡུངས་ནག་ལ།། ཨོཾ་དུབ་ནུར་དུབ་སྭཱ་ཧ། བཞི་པར་མི་ཁྲག་ཉུང་དཀར་རོ།། ཨོཾ་ཡ་ཙི་ལ་འདུ་ལུ་ཚལ་པ་ཚལ་ཧཱུཾ་ཧཱུཾ
324a4 ཕཊ་ཕཊ་སྭཱ་ཧཱ། ལྔ་པར་ཁྱི་ཁྲག་འོ་མ་ལ།། ཨོཾ་ཧ་བ་ཧ་བ་རུབ་རུབ་ཧཱུཾ་ཕཊ་སྭཱ་ཧཱ། དྲུག་པར་སྔོ་སྣ་འོ་མ་མར། ཨོཾ་དུད་ཤིང་མཱ་ར་ཡ་པ་ཏ་ན་ཕཊ། བདུན་པར་ཤ་རུ་ཚིལ་ཆེན་ཡིན།། ཨོཾ་པྲ་ཤེད་ར་ན་ཧཱུཾ་ཕཊ། ཞག་བདུན
324a5 དགུ་བཅུ་རྩ་གཅིག་བཟླས།། མ་མོ་བསྐུལ་པར་བྱ་བ་ནི།། གཡའ་ཤིང་དུད་པའི་དབང་མོ་ཆེ།། སྐུ་ནི་མཐིང་ནག་ཆེན་མོ་ལ།། ཕྱག་ན་ཐོག་གི་བུ་ཡུག་བསྣམས།། སྲིད་བདག་ཆེན་མོ་སྲིད་པའི་དཔལ།། སྲིད་བདག
324a6 ཆེན་མོ་ཀུན་གྱི་རྗེ།། ཁྲོས་པས་ཀླུ་འབྲུག་བྲན་དུ་འཁོལ།། མ་མོ་ཆེན་མོ་གཤེགས་སུ་གསོལ།། དམ་ཉམས་ཡུལ་དུ་ཐོག་སེར་ཕོབ།། དཀོན་མཆོག་གསུམ་གྱི་བསྟན་པ་སྲུངས།། དེ་ནས་ལས་ལ་སྦྱོར་བ་ནི།། ཐོག་སེར
iiif viewer powered by OpenSeadragon
