| e-texts navigator |
| Wylie |
318a1 སོ།། པདྨ་དབང་ཆེན་དྲེགས་པ་གནད་འབེབས་ཀྱི་རྒྱུད་ལས། རྟ་སྐད་ཀྱི་དགོངས་པ་ཧེ་རུ་ཀའི་གནས་བཅུ་དང་། དུར་ཁྲོད་ཆེན་པོའི་གནས་བརྒྱད་ན་གནས་པ་རྣམས། ཧེ་རུ་ཀའི་གནས་བཅུ་ན་གར
318a2 དགུ་མཛད་དེ། འཇིག་རྟེན་དྲེགས་པ་ཅན་རྣམས་འདུལ་བར་གནད་ལ་ཕབ་པ་སྟེ་ལེའུ་ལྔ་པའོ།། །། དེ་ནས་དྲེགས་པ་ཅན་མ་ལུས་པའི་སྲོག་གནད་ལ་འབེབས་པ་རྣམས་གསུངས་སོ།། འདི་ནི་ལྷོ་ཕྱོགས་པ
318a3 རོལ་གྱི།། དཔག་ཚད་བརྒྱད་ཁྲི་བཞི་སྟོང་འདས།། སྤྲིན་དང་ན་བུན་ཚུ་རོལ་ན།། འཇིག་རྟེན་འདས་དང་མ་འདས་ཀྱི།། ས་མཚམས་ལྷོ་ཕྱོགས་གྱད་ཀྱི་ཡུལ།། བླ་མཚོ་ནག་པོའི་ནང་ཤེད་ན།། ཉིན་བཞིན་བསྐལ་པའི
318a4 རླུང་ནག་འཚུབས།། མཚན་བཞིན་འཇིག་དུས་མེ་ལྟར་འབར།། ཐོད་པ་ལྕགས་ཀྱི་གྲོང་ཁྱེར་ན།། གསོན་གཤིན་གཉིས་ཀྱི་ཟམ་ཁ་ན།། གསོན་པོ་སྐོས་ལ་འདེབས་པར་བྱེད།། ཤི་བ་རྣམས་ཀྱི་གཤིན་རྗེ་བྱེད།། དགེ
318a5 བྱེད་རྣམས་ཀྱི་སྟོང་འཛིན་ཅིང་།། སྡིག་པ་ཅན་གྱི་ཆད་པ་མཁན།། དམ་ཉམས་ཁྲམ་ལ་འདེབས་བྱེད་ཅིང་།། དམ་ཚིག་ཅན་གྱི་གྲོགས་ལ་བརྩོན།། ཆོས་རྒྱལ་གཤིན་རྗེ་ཞེས་བྱ་བ།། མངོན་ཤེས་རྫུ་འཕྲུལ་བྱིན་རླབས
318a6 ཅན།། ཨག་ཙེའི་ཕྱོགས་ན་གནས་བཅས་པ།། ནག་པོ་སེང་དགོང་རལ་པ་ཅན།། སྲོག་པ་རྩ་ལ་འཁོར་ལོ་བསྐོར།། རྨྱངས་པ་དཀར་ལ་རྟ་དཀར་རྒྱུག། རཀྟ་དམར་ལ་རབ་ཏུ་འཇིབ།། རྣམ་པར་ཤེས་པ་ཧུབ་གྱིས
iiif viewer powered by OpenSeadragon
