| e-texts navigator |
| Wylie |
317a1 དགོངས་པ་ཟབ།། ལུས་ངག་ཡིད་གསུམ་སྐུ་གསུམ་ཉིད།། དུག་ལྔ་ཡེ་ཤེས་ལྔར་སྒྲོལ་ནས།། གང་གིས་གདེང་གྱུར་རྣལ་འབྱོར་རབ།། མི་ཞེས་བྱས་ཀྱང་སངས་རྒྱས་ཡིན།། སྣོད་ཀྱི་འཇིག་རྟེན་གཞལ
317a2 ཡས་དབྱིངས།། བཅུད་ཀྱི་སེམས་ཅན་ཡེ་ཤེས་ལྷ།། འབྲེལ་པས་བདེ་ཆེན་སྲས་སུ་རིགས།། རྣལ་འབྱོར་འབྲིང་གི་དགོངས་པའོ།། ལུས་ཉིད་ལྷ་ལ་ངག་ཉིད་སྔགས།། སེམས་ཉིད་ཆོས་ཉིད་ཐ་མའོ།། མྱ་ངན་འདས
317a3 པའི་ཆོས་རྣམས་ཀུན།། རྟེན་དུ་གྱུར་པས་ཆོས་ཀྱི་སྐུ།། རང་བཞིན་སྐྱེ་མེད་བརྡའ་སྤྲོད་གོ། དེ་ཉིད་ཆོས་སྐུའི་གསུང་ཡིན་ནོ།། ལོངས་སྐུ་དགོངས་པ་བརྡའ་ཡི་གསུངས།། མེ་ལོང་ནང་གི་བྱད་ལྟ་བུ།། གཙོ་བོའི་སྐུ་ལ
317a4 བལྟས་པ་ཡིས།། རང་གི་ཤེས་བྱའི་སྒྲིབ་པ་དག། དེ་ནས་ཆོས་སྐུའི་ས་རུ་འགྲོ།། བྱང་ཆུབ་སེམས་དཔའ་མངོན་སངས་རྒྱས།། སྐུ་གསུང་ཐུགས་ནི་རྣམ་པ་གསུམ།། གསང་བ་བསམ་གྱིས་མི་ཁྱབ་ཅིང་།། ཐམས་ཅད
317a5 ས་རུ་གནས་པས་ན།། མི་ཟད་རྒྱན་གྱི་འཁོར་ལོ་ཆེ།། ཨོཾ་ནི་རྣམ་པར་བརྗིད་པའི་སྐུ།། ཨཱཿནི་སྒྲ་བརྗོད་འབྱུང་བས་གསུང་།། ཧཱུཾ་ནི་འདོད་དགུར་མཁྱེན་པས་ཐུགས།། རྒྱལ་བའི་ཞིང་ཁམས་འདི་ཡིས་སྐྱོང་།། ཚངས
317a6 པའི་ལྷ་ཡི་གསུང་བཞིན་དུ།། སྲིན་པོ་འདུལ་ཡང་སྐྱོན་མ་གོས།། དཔེར་ན་མེ་ཏོག་པདྨ་སྐྱེས།། འདམ་གྱི་སྐྱོན་གྱིས་ག་ལ་གོས།། དེ་ཉིད་གྲོགས་སུ་གྱུར་པ་སྟེ།། འདམ་མེད་པདྨ་གང་ལས་སྐྱེ།། རི་རབ་རྩེ་ནི་ལྷ་གནས
iiif viewer powered by OpenSeadragon
