| e-texts navigator |
| Wylie |
316b1 ཆེན་སྡེ་བཞིས་རབ་ཏུ་དཀྲུགས་པ་ལས།། ཚངས་པའི་གསུང་གིས་ཆོས་འཁོར་བསྐུལ་མ་འདེབས།། དེ་འདུལ་གསུང་དབྱངས་དྲུག་ཅུ་ཚངས་པའི་སྐད།། འཇིག་རྟེན་འཁོར་བར་ཡུན་རིང་གནས་ནས་ཀྱང་།། རྟ་མཆོག
316b2 རིན་ཆེན་ཡིད་བསྲིང་འགྲོ་དོན་མཛད།། ཅང་ཤེས་རྟ་ཡིས་མྱུར་དུ་བགྲོད་པ་ལྟར།། འགྲོ་དྲུག་འཁོར་བའི་གནས་ནས་འདྲེན་པར་མཛད།། དེ་ནི་འགྲོ་བ་ལམ་འདིར་གཞུག་པའི་ཕྱིར།། གདུལ་བྱར་བཤད་པས་འགྲོ་བ
316b3 འདུལ་བར་བྱེད།། གཏི་མུག་ཅན་དང་ང་རྒྱལ་ཅན།། འདོད་ཆགས་ཅན་དང་ཕྲག་དོག་ཅན།། ཞི་བའི་ལས་དང་རྒྱས་པའི་ལས།། དབང་དང་དྲག་པོས་འདུལ་བར་སྟོན།། ལྗང་གུ་དྲག་པོ་དམར་པོ་དབང་།། སེར་པོ
316b4 རྒྱས་པ་དཀར་པོ་ཞི།། རྟ་གདོང་ཕྲིན་ལས་བཞི་མཛད་པས།། རྟ་མགོ་ལ་ཡང་རིགས་བཞིའི་མདོག། གདུལ་བྱ་མ་ལུས་ཐམས་ཅད་ཀུན།། འདུལ་ཕྱིར་ཕྲིན་ལས་དག་ཏུ་བཤད།། ཞལ་ནས་རྟ་སྐད་སྒྲ་སྒྲོགས་པས།། ཕོ
316b5 པཾ་ཧྲི་སོགས་གསང་སྔགས་འདྲེན།། རྟ་ཡི་སྐད་ཅེས་བྱ་བ་ཡང་།། རྟ་ཞལ་གསུང་དུ་སྒྲོགས་པའོ།། བརྡའ་དང་རྟ་སྐད་འགྱིང་སྐད་གསུམ།། རྣལ་འབྱོར་དགོངས་པས་མ་ཤེས་སྒྲོན།། ཐུགས་དམ་མི་འཁྲུལ་དབང་མི
316b6 འདུས།། དགྲ་བགེགས་མི་ཐུལ་སྐྱོན་དུ་འགྱུར།། རྣལ་འབྱོར་གང་གིས་རྟ་སྐད་ཀྱི།། དགོད་པ་དོན་ལྡན་ཤེས་པ་ནི།། ཐུགས་རྗེས་བཞེངས་དང་ཁས་བླངས་དྲན།། ཕྲིན་ལས་སྐད་ཅིག་ཡུད་ལ་འགྲུབ།། དེ་ཕྱིར་རྟ་སྐད
iiif viewer powered by OpenSeadragon
