| e-texts navigator |
| Wylie |
316a1 ཧེ་རུ་ཀ་འཇིགས་རུང་།། སྐྲ་ཡི་གར་གསུམ་བསྟན་པ་ནི།། སྐུ་ལ་ཚོར་བ་བདེ་སྡུག་ནུབ།། ཚངས་པའི་གསུང་དབྱངས་རྟ་སྐད་རྒོད།། དེ་བཅོམ་རྟགས་སུ་ཞལ་གཡས་བཞད།། ཚོགས་ཀྱི་བདག་པོ་གླང
316a2 སྣ་གཤེ།། དེ་བཅོམ་ཞལ་གཡོན་ཁྲོ་བར་བཤད།། སྒྲ་གཅན་ཉི་ཟླ་ཁར་མིད་རྔམ།། དེ་བཅོམ་དབུས་ཀྱི་ཞལ་དམར་རྔམ།། གསུང་གི་གར་གསུམ་བསྟན་པ་ནི།། གསུང་ལ་ཚོར་བ་བདེ་སྡུག་ནུབ།། བརྒྱ་བྱིན་ལག་ན་རྡོ
316a3 རྗེ་ཐོགས།། ལྷ་རྣམས་སྙིང་རྗེའི་སེམས་ཀྱི་སྐྱོང་།། དེ་བཅོམ་པས་ནི་སྙིང་རྗེ་མཛད།། ཀླུ་ཆེན་སེ་ཤ་ཙ་ར་ཡིས།། འགྲེ་ལྡོག་བྱས་པས་ས་འགུལ་བྱུང་།། དེ་བཅོམ་ཀླུ་བརྒྱན་ངོ་མཚར་ཆེ།། མེ་ལྷས་སྟོང་གསུམ་མེ་ཡིས
316a4 བཤིག། དེ་བཅོམ་མེ་དཔུང་དབུས་ན་བཞུགས།། ཐུགས་ཀྱི་གར་གསུམ་བསྟན་པ་ནི།། ཐུགས་ལ་ཚོར་བ་བདེ་སྡུག་ནུབ།། དེ་ནས་པདྨ་ཧེ་རུ་ཀས་དཔལ་གྱི་རྟ་སྐད་ཀྱིས་ཕྱོགས་བཅུའི་དྲེགས་པ་ཅན་བཏུལ
316a5 ལོ།། དངས་མའི་བདུད་རྩི་ཁྱབ་འཇུག་གཟའ་ཡིས་འཐུངས།། ཕྱག་རྡོར་འཁོར་ལོས་ལུས་ཀྱང་དུམ་བུ་བརྒྱད།། སྙིགས་མ་དུག་ཏུ་གྱུར་ཏེ་གནོད་སེལ་ཕྱིར།། སྤྱན་རས་སྐུ་ཁྲོས་མགུར་དུ་ཐིམ་པ་ནི།། ཁྲོ་བོ་མདོག་སྔོན
316a6 གདུག་པ་མ་ལུས་འདུལ།། ལོ་རྒྱུས་དོན་གྱིས་ཕྱི་རབས་ཡིན་ཆེས་བཤད།། སྣོད་ཀྱི་འཇིག་རྟེན་ལྕགས་རི་ནག་པོའི་ནང་།། ཕྱི་ཡི་རྒྱ་མཚོ་ཞོ་ལས་དཀྲུག་པའི་མར།། རི་རབ་སྲུབ་ཤིང་ཀླུ་སྦྲུལ་སྲུབ་ཐག་བཅས།། རྒྱལ
iiif viewer powered by OpenSeadragon
