| e-texts navigator |
| Wylie |
315b1 གསུངས་སོ།། དཔལ་པདྨ་དབང་ཆེན་དྲེགས་པ་གནད་འབེབས་ཀྱི་རྒྱུད་ལས། ཕྱི་སྤྱིའི་དོན་དང་ནང་སྦས་པའི་དོན་དང་གསང་བ་མཐར་ཐུག་དོན་དུ་བཤད་པ་སེམས་རྫོགས་པའི་རིམ་པར་གཏན་ལ་འབེབས་པའི
315b2 གནད་འབེབས་པ་སྟེ་ལེའུ་བཞི་པའོ།། །། དེ་ནས་པདྨ་ཧེ་རུ་ཀས་ཧེ་རུ་ཀའི་གནས་བཅུ་ལ་གཟིགས་པ་འདི་གསུངས་སོ།། གནས་དང་ཉེ་བའི་གནས་དང་གཉིས།། ཡུལ་དང་ཉེ་བའི་ཡུལ་དང་གཉིས།། ཞིང
315b3 དང་ཉེ་བའི་ཞིང་དང་གཉིས།། དུར་ཁྲོད་ཉེ་བའི་དུར་ཁྲོད་གཉིས།། ཚནྡོ་ཉེ་བའི་ཚནྡ་གཉིས།། ཕྱོགས་བཅུ་རྣམས་སུ་གཟིགས་པར་གྱུར།། དེ་ནས་པདྨ་ཧེ་རུ་ཀས།། དུར་ཁྲོད་ཆེན་པོའི་གནས་བརྒྱད་དུ་གཟིགས་པ
315b4 འདི་གསུངས་སོ།། ཤར་ན་དུར་ཁྲོད་བསིལ་བའི་ཚལ།། ཤར་ལྷོར་དུར་ཁྲོད་ལྷུན་གྱིས་གྲུབ།། ལྷོ་ན་དུར་ཁྲོད་སྐུ་ལ་རྫོགས།། ལྷོ་ནུབ་དུར་ཁྲོད་གསང་ཆེན་རོལ།། ནུབ་ན་དུར་ཁྲོད་པདྨ་བརྩེགས།། ནུབ་བྱང་དུར་ཁྲོད
315b5 ཧེ་ཆེན་རོལ།། དུར་ཁྲོད་ཁུ་བྱུག་ཀློང་དགུ་བྱང་།། བྱང་ཤར་དུར་ཁྲོད་འཇིག་རྟེན་སྐྱོང་།། དེ་ནས་པདྨ་ཧེ་རུ་ཀས།། ཁྲོ་བོ་གར་དགུས་འདུལ་མཛད་དེ།། ལྷ་ཆེན་གཞོན་ནུ་གདོང་དྲུག་གིས།། ལྷ་མིན་བ་སུ་ཀ་ར
315b6 བསད།། དེ་ལ་དཔའ་བོར་མཚན་བཏགས་པས།། དེ་བཅོམ་དཔའ་བོ་ཧེ་རུ་ཀ། དབང་ཕྱུག་ཆེན་པོ་འཁྱུད་ཉམས་སྒེག། དེ་བཅོམ་སྐུ་ལ་ཡུམ་འཁྲིལ་སྒེག། ཁྱབ་འཇུག་ཕག་སེང་འཇིགས་གཟུགས་ཉམས།། དེ་བཅོམ
iiif viewer powered by OpenSeadragon
