| e-texts navigator |
| Wylie |
310b1 དང་དགོངས་མིན་དང་།། དྲང་དོན་སྤྱི་དོན་ཡི་གེའི་དོན།། སློབ་མ་རྣམས་ལ་བཤད་པ་ནི།། སྒྲ་ནི་ཇི་བཞིན་མ་ཡིན་དང་།། ངེས་དོན་དགོངས་ཏེ་བཤད་པ་དང་།། སྦས་བཤད་མཐར་ཐུག་དོན་རྣམས་བཤད།། སྣོད་ཀྱི
310b2 གང་ཟག་རྣམ་ལྔ་ནི།། ཨུཏྤལ་ལྟ་བུའི་གང་ཟག་ནི།། སྦྲང་རྩི་མང་ལྟར་ཆོས་མང་ཐོས།། སྦྲང་རྩི་འཛིན་ལྟར་འཛིན་པ་མཁས།། སྦྲང་རྩི་ཡལ་སྦྱིན་བརྗེད་ནས་འགྲོ།། པད་དཀར་ལྟ་བུའི་གང་ཟག་ནི།། སྦྲང་མས་ཆོས
310b3 མང་ཟོས་པ་ཡང་།། སྦྲང་རྩི་འཛིན་ལྟར་སྟོན་མི་ནུས།། སྦྲང་མས་སྦྲང་རྩི་བླང་དཀའ་ལྟར།། བུམ་ནང་རས་བལ་ལྟ་བུའོ།། པདྨ་དམར་པོ་ལྟ་བུ་ནི།། ཡིད་དུ་འོང་ལྟར་དད་པར་ལྡན།། པདྨ་ཁ་དོག་དམར་བ་ལྟར།། སྙིང
310b4 རྗེ་དང་ནི་ཤེས་རབ་ཆེ།། པདྨ་ཉིན་མོ་ཁ་འབྱེད་ལྟར།། ཐོས་ནས་བློ་ཁ་བྱེ་བ་དང་།། སྦྲང་རྩི་མི་ཐུབ་འཛགས་པ་ལྟར།། ཚིག་དོན་མི་འཛིན་བརྗེད་ནས་འགྲོ།། ཙན་དན་ལྟ་བུའི་གང་ཟག་ནི།། སྡོང་པོ་ཆུང་ལྟར་ཐོས་པ
310b5 ཉུང་།། དྲི་དང་ལྡན་པས་ང་རྒྱལ་ཆེ།། རྩ་ཕྲ་ཡལ་ག་ལོ་འདབ་རྒྱས།། རྩ་བ་མེད་པར་མང་དུ་སྨྲ།། དུག་སྦྲུལ་འཁྲིལ་པས་བླང་མི་ནུས།། རྗེས་སུ་གཟུང་བར་མི་ནུས་སོ།། འགྱོད་ཤིང་ཅན་གྱི་ཙན་དན་ཡིན།། རིན་ཆེན
310b6 ལྟ་བུའི་གང་ཟག་ནི།། ནོར་བུ་རང་བཞིན་དག་པ་ལྟར།། དམ་ཚིག་ཚུལ་ཁྲིམས་དག་པ་དང་།། གཞན་དོན་བྱེད་ཅིང་གཞན་མི་གནོད།། དེ་བཞིན་འཛིན་ལ་མཁས་པ་དང་།། ཅི་འདོད་འབྱུང་ལྟར་ཤེས་རབ་ལྡན།། ནོར
iiif viewer powered by OpenSeadragon
