| e-texts navigator |
| Wylie |
309b1 བྱོས།། དགོངས་པས་བཤད་པར་བྱ་བ་ནི།། དབང་པོ་རྣོན་པོའི་རིགས་ལ་ནི།། རིག་པའི་རྗེས་སུ་འབྲང་བ་ཡིས།། ཤེས་རབ་ཅན་གྱི་གང་ཟག་རྣམས།། ང་རྒྱལ་བཅག་པར་བྱ་བའི་ཕྱིར།། དབང་པོ་རྣོན་པོ་ལ་དགོངས
309b2 ནས།། འགལ་བའི་ཚིག་གིས་དོན་སྟོན་བཤད།། རྒྱལ་བ་རྣམས་ཀྱིས་དེ་ལྟར་དགོངས།། དགོངས་པ་མ་ཡིན་བཤད་པ་ནི།། དབང་པོ་དམན་པའི་གང་ཟག་ལ།། གསལ་བར་སྟོན་པ་དགོངས་མིན་ཚིག། དངོས་བྲལ
309b3 འོད་གསལ་ཟུང་དུ་འཇུག། དབང་པོ་རྣོ་བརྟུལ་དགོངས་པ་ནི།། འདི་གཉིས་ཚིག་གི་མཐའ་ལ་བརྟེན།། དེ་ཡང་ཇི་ལྟར་བརྟེན་ཞེ་ན།། ཕ་དང་ཁུ་བོ་མེས་པོ་དང་།། བུ་དང་སྤུན་དང་མཛའ་བོ་རྣམས།། ཞེ་སྡང་སེམས
309b4 ཀྱིས་བསད་བྱས་ན།། རྡོ་རྗེ་རིགས་ཀྱི་ཞིང་དུ་འགྱུར།། ཆོས་རྣམས་ཀུན་གྱི་དེ་ཁོ་ན།། རང་བཞིན་གྱི་ནི་འོད་གསལ་ཏེ།། བདེན་གཉིས་ཡང་དག་ཟུང་དུ་འཇུག། དངོས་པོ་ཐམས་ཅད་དང་བྲལ་བའོ།། སྒྲ་ནི་ཇི་བཞིན
309b5 བཤད་པ་ནི།། རང་གི་སྒྲ་ཡིས་སྟོན་པ་ཡང་།། དཀྱིལ་འཁོར་མཆོད་བསྟོད་དམ་ཚིག་སྤྱོད།། སྒྲ་ནི་ཇི་བཞིན་སྟོན་པའོ།། ཇི་བཞིན་མ་ཡིན་བཤད་པ་ནི།། སྒྲ་གཞན་དག་གིས་རབ་སྟོན་ཏེ།། འཇིག་རྟེན་བསྟན་བཅོས
309b6 དག་ལ་མེད།། དེ་བཞིན་གཤེགས་པའི་དགོངས་པ་ཡིན།། ཇི་བཞིན་ཡིན་དང་མ་ཡིན་སྒྲ།། དོན་ཚིག་གཉིས་ཀའི་མཐའ་ལ་བརྟེན།། དེ་ཡང་ཇི་ལྟར་བསྟན་ཅེ་ན།། དཀྱིལ་འཁོར་དག་ཏུ་གཞུག་པར་བྱ།། དབང་བླང
iiif viewer powered by OpenSeadragon
