| e-texts navigator |
| Wylie |
309a1 བཅས་ནས་སངས་རྒྱས་བཞི།། རྒྱུད་ནི་ལྷ་ལུས་རིགས་ལྔ་བསྒོམ།། གླིང་བཞི་རིགས་ལྔ་གཅིག་གྱུར་པ།། ངེས་ཚིག་རྡོ་རྗེ་ལ་སོགས་གསུངས།། རྒྱུ་ནི་སྒེག་པ་ལ་སོགས་སྤྱོད།། འདོད་ཆགས་སྤངས་པའི
309a2 ཚུལ་ཡང་བཞི།། རྒྱུད་ནི་མི་ལུས་སྐྱེ་བ་ལ།། གླེང་གཞི་རབ་ཏུ་བྱུང་བ་ཉིད།། ངེས་ཚིག་འདུལ་བའི་སྡོམ་པ་བླངས།། རྒྱུ་ནི་འབྲས་བུས་སངས་རྒྱས་འདོད།། རྒྱས་པར་བཤད་པའི་མཐའ་དྲུག་ནི།། དྲང་དོན་དང་ནི་ངེས
309a3 དོན་གཉིས།། དགོངས་བཤད་དགོངས་པ་མ་ཡིན་བཤད།། ཇི་བཞིན་སྒྲ་དང་ཇི་བཞིན་མིན།། དྲང་བའི་དོན་ནི་བཤད་པ་ནི།། སྐལ་ངན་སྦས་བཤད་དྲང་དོན་དུ།། ཐུན་མོང་དངོས་གྲུབ་འདོད་རྣམས་ལ།། མཚན
309a4 བཅས་བསྐྱེད་པའི་རིམ་པ་བསྟན།། ངེས་པའི་དོན་དུ་བཤད་པ་ནི།། ཡང་དག་དོན་སྟོན་ངེས་པའི་དོན།། ཉེ་ལམ་དགའ་མཆོག་འདོད་པ་ལ།། དེ་ལ་རྫོགས་པའི་རིམ་པ་བསྟན།། བསྐྱེད་རིམ་རྫོགས་རིམ་འདི་གཉིས
309a5 ནི།། དོན་གྱི་མཐའ་ལ་བརྟེན་པའོ།། དེ་ཡང་ཇི་ལྟར་ཡིན་ཞེ་ན།། ཏིང་འཛིན་གསུམ་ལས་གཞལ་ཡས་གདན།། སྐུ་བསྐྱོད་སྤྱན་དྲང་མཆོད་ཕུལ་བསྒྲུབ།། རོ་ལངས་རྐང་མགྱོགས་མིག་སྨན་སོགས།། སྐྱེས་བུའི་སེམས
309a6 ལ་ཅི་འདོད་རྣམས།། པདྨ་དབང་ཆེན་དྲེགས་པ་བསྒོམ་པས་བསྒྲུབ།། སྡུག་བསྔལ་ཉིད་ཀྱང་བྱང་ཆུབ་ལ།། འཁོར་བ་ཉིད་ཀྱང་མྱ་ངན་འདས།། སྒྲིབ་པ་གཉིས་ན་མངོན་སངས་རྒྱས།། ངེས་དོན་དེ་ལ་འདུད་པར
iiif viewer powered by OpenSeadragon
