| e-texts navigator |
| Wylie |
308b1 པ་གནད་ལ་འབེབས་པའི་རྒྱུད་ལས། སྐུ་གསུམ་གྱི་དོན་གནད་ལ་ཕབ་སྟེ་བསྟན་པའི་ལེའུ་སྟེ་དང་པོའོ།། །། དེ་ནས་བྱང་ཆུབ་སེམས་དཔའ་ས་བཅུ་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། སྐུ
308b2 གསུམ་རྒྱལ་བའི་དགོངས་པས་བཤད་གྱུར་པའི།། རྣལ་འབྱོར་ཆེན་པོ་ལ་སོགས་རྒྱུད་རྣམས་ཀྱི།། བཤད་ཚུལ་མན་ངག་ཁོང་ནས་གབ་པ་ཕྱུང་།། མ་འོངས་འགྲོ་བ་རྣམས་ལ་ངེས་པར་གསུངས།། ཞེས་གསུངས
308b3 སོ།། དེ་ནས་བཅོམ་ལྡན་འདས་ཀྱིས་འདི་སྐད་ཅེས་གསུངས་སོ།། རྣལ་འབྱོར་ཆེན་པོའི་རྒྱུད་རྣམས་ལ།། བཤད་པའི་རྒྱན་ནི་རྣམ་པ་བདུན།། གླེང་བསླངས་པ་ཡི་གྲངས་ནི་ལྔ།། སངས་རྒྱས་པ་ཡི་ཚུལ་ཡང
308b4 བཞི།། རྒྱས་པར་བཤད་པའི་མཐའ་ཡང་དྲུག། བཤད་པའི་ཚུལ་ནི་རྣམ་པ་བཞི།། དབྱེ་བའི་བཤད་པ་རིམ་པ་གཉིས།། སྣོད་ཀྱི་གང་ཟག་རྣམ་པ་ལྔ།། བདེན་པ་གཉིས་ཀྱི་རྣམ་པར་ངེས།། སྤྱིར་བསྡུས་ཉི་ཤུ་རྩ་བརྒྱད
308b5 ཀྱིས།། གསང་སྔགས་རྒྱུད་ཀྱི་རྣམ་བཤད་བྱ།། དེ་ཡང་ཇི་ལྟ་བུ་ཞེ་ན།། གླེང་བསླང་བ་ཡི་གྲངས་ལྔ་ནི།། རྒྱུད་ཀྱི་མིང་ནི་གང་བཏགས་མཚན།། འཁོར་བའི་སེམས་ཅན་དོན་དུ་གསུངས།། སྟོན་པ་གཟུགས་སྐུ་རྣམ་པ
308b6 གཉིས།། ལྡང་ཚད་ཆོ་ག་ལེའུ་དུམ་བུ་རིམ།། དགོས་ཆེད་ཐུན་མོང་མཆོག་ཏུ་བསྒྲུབ་པའོ།། སངས་རྒྱས་པ་ཡི་ཚུལ་བཞི་ནི།། རྒྱུད་དང་གླིང་བཞི་ངེས་ཚིག་རྒྱུ།། དེ་ཡང་འདོད་ཆགས་སྤང་མ་སྤངས།། འདོད་ཆགས
iiif viewer powered by OpenSeadragon
