| e-texts navigator |
| Wylie |
307b1 དཔའ་བོ་ཆེན་པོ་དམུས་ལོང་འཁོར་བ་དྲུག་ཅུ་དང་།། གདུག་པ་འདུལ་བ་ཟ་བྱེད་དཔལ་གྱི་ཁྱི་བརྒྱད་དང་།། ཡེ་ཤེས་སྤྲུལ་པའི་ཁྱི་བཅུ་དང་། ཕོ་ཉ་སྒོ་བ་ཆེན་པོ་བཞི་དང་ཐབས་ཅིག་ཏུ་བཞུགས་སོ།། དེ་ནས་ཡུམ
307b2 པདྨ་གཟི་ལྡན་མས་གླུ་འདིས་བསྐུལ་ལོ།། ཨོཾ་ཤེས་རབ་ཆོས་དབྱིངས་སྟོང་པའི་ངང་ཉིད་དུ།། ཐབས་མཆོག་སྙིང་རྗེ་ཡེ་ཤེས་ཆེན་པོར་ཤར།། སྟོང་ཉིད་སྙིང་རྗེའི་སྙིང་པོ་ཅན་གྱི་སྐུ།། ཆོས་སྐུ་དྲི་མ་མེད་པའི་བྱིན་རླབས
307b3 ལས།། ལོངས་སྐུ་སྲས་དང་བཙུན་མོ་གཞལ་ཡས་ཁང་།། ལོངས་སྤྱོད་ཕུན་སུམ་ཚོགས་པས་ས་ཆེན་འདུལ།། ཐུགས་རྗེའི་སྤྲུལ་པ་སྣ་ཚོགས་ཕྱོགས་བཅུར་འགྱེད།། མཛད་པ་བཅུ་གཉིས་འགྲོ་དོན་རྫོགས་པར
307b4 མཛད།། ཞི་བའི་གདུལ་བྱར་མ་གྱུར་དྲེགས་པ་ཅན།། ཁྲོ་བོའི་སྐུ་ཡིས་ཐུལ་ལ་བསྟན་པ་སྲུང་།། ཞེས་རྡོ་རྗེའི་གླུས་རྣམ་པར་བསྐུལ་ལོ།། དེ་ནས་ཡབ་ཀྱིས་གླུ་འདི་འགྲོ་བའི་ཆེད་དུ་བླངས་སོ།། ཨོཾ་དོན་དམ་སྐྱེ་བ་མེད
307b5 པ་འདས་པའི་ཆོས།། ཀུན་རྫོབ་སྒྱུ་མར་སྣང་བ་འཁོར་བའི་ཆོས།། ཀུན་རྫོབ་དོན་དམ་དབྱེར་མེད་ཆོས་ཀྱི་སྐུ།། འཁོར་བ་མ་སྤངས་འདས་པ་བསྒྲུབ་ཏུ་མེད།། ཆོས་སྐུ་དྲི་མ་མེད་པའི་སྙིང་པོ་འདི།། འཁོར་དང་མྱ་ངན
307b6 དས་པའི་ཆོས་སྐུར་སྣང་།། དེ་ཉིད་གཏན་ལ་དབབ་ཕྱིར་རྒྱལ་བ་རྣམས།། དབང་པོ་བསམ་པ་དགོངས་པ་ཐ་དད་མེད།། ཇི་ལྟར་སྣང་བའི་ཆོས་རྣམས་ཆོས་སྐུར་གཅིག། དེ་ལས་མ་གཏོགས་གསང་བའི་ངེས་དོན
iiif viewer powered by OpenSeadragon
