| e-texts navigator |
| Wylie |
307a1 གིང་གི་སེར་བ་འབེབས།། ཞེས་གསུངས་པ་ལས།། འཁོར་རྣམས་དགྱེས་ནས་སྟོན་པ་ལ་བསྟོད་པ། སྐུ་ནི་ལོངས་སྤྱོད་རྫོགས་པ་ལ།། གསུང་ནི་སྤྲུལ་པ་ཅིར་ཡང་སྣང་།། ཐུགས་ནི་ཆོས་སྐུ་དྲི་མ
307a2 མེད།། སྐུ་གསུམ་དག་ལ་ཕྱག་འཚལ་ལོ།། ཞེས་བསྟོད་ནས་འཁོར་རྣམས་སངས་རྒྱས་ཀྱི་བསྟན་པ་བསྲུང་བར་ཁས་བླངས། ཡེ་ཤེས་ཀྱི་འཁོར་རྣམས་རྗེས་སུ་ཡི་རང་ངོ་།། བཅོམ་ལྡན་འདས་ཉིད་ཆོས་སྐུ་སྐྱེ་བ་མེད
307a3 པའི་ངང་དུ་བཞུགས་སོ།། པདྨ་དབང་ཆེན་དྲེགས་པ་གཟན་ལ་འབེབས་པའི་རྒྱུད་ལས། གིང་གི་དྲེགས་པ་གཟན་ལ་འབེབས་པ་དང་། རྗེས་སུ་ཡི་རང་བའི་ལེའུ་བཅུ་གཉིས་པའོ།། །། པདྨ་དབང་ཆེན་དྲེགས་པ
307a4 གཟན་འབེབས་ཀྱི་རྒྱུད་རྫོགས་སོ།། པདྨ་འབྱུང་གནས་དང་། ཁ་ཆེ་ཨཱ་ནན་ཏས་བསྐུར་བའོ།། །། @#།། རྒྱ་གར་སྐད་དུ། ཤྲཱི་པདྨ་མ་ཧཱ་ཝ་ཤཾ་དུཥྚ་ནིརྞི་ཡ་ཏནྟྲ་ནཱ་མ། བོད་སྐད་དུ། དཔལ་པདྨ
307a5 དབང་ཆེན་དྲེགས་པ་གནད་འབེབས་ཀྱི་རྒྱུད་ཅེས་བྱ་བ་ལྷུན་གྱིས་གྲུབ་པའི་སངས་རྒྱས་རྣམས་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་པདྨ་ཧེ་རུ་ཀ་རྒྱལ་བ་ཀུན་གྱི་སྤྱི
307a6 གཟུགས་ཅན་དེ་ནི། དེ་བཞིན་གཤེགས་ཐམས་ཅད་ཀྱི་བཙུན་མོའི་བྷ་ག་རྣམ་པར་དག་པ་བདེ་བ་ཆེན་པོ་ལ་བཞུགས་ཏེ། མཁའ་འགྲོ་མ་ཁམ་རྒྱ་མོ་དྲུག་དང་། བྱང་ཆུབ་སེམས་དཔའ་དོན་མཛད་པའི་ལོང་བ་བརྒྱད།
iiif viewer powered by OpenSeadragon
