| e-texts navigator |
| Wylie |
304a1 ཚིལ་ར་ཚིལ་དང་།། ཁྱི་ཚིལ་གུ་གུལ་དུད་པས་བདུག། གནད་ལ་ཕེབས་ན་མྱུར་དུ་འབབ།། ར་རོག་ཟོད་པ་ཡུལ་དབུས་སྦ།། རུ་མ་གསུམ་པོ་གཟེར་དུ་གདབ།། དྲག་སྔགས་བདུན་པས་ཡུལ་ཁམས
304a2 ནི།། སེར་བས་འཇོམས་ཏེ་སངས་རྒྱས་ཀྱི།། བསྟན་པ་དམ་པ་རྒྱས་པར་གསུངས།། ཞེས་གསུངས་སོ།། པདྨ་དབང་ཆེན་དྲེགས་པ་གཟན་ལ་འབེབས་པའི་རྒྱུད་ལས། གནོད་སྦྱིན་ལྕགས་ཀྱི་བེར་གཅན་གཟན
304a3 འབེབས་པའི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་ཀྱིས་མ་མོ་ནག་མོ་ཛ་མུན་ཏིས་ཀླུ་གནད་ལ་འབེབས་པའི་སེར་བ་འདི་གསུངས་སོ།། བྱ་རྟ་མཚལ་བུའི་སྙིང་ཁྲག་དང་།། ར་ཁྱི་སེར་སྐྱའི་སྙིང
304a4 ཁྲག་བཞི།། མཛེ་ཁྲག་ལྔ་ཡི་ཐུན་ནང་དུ།། གུ་གུལ་ནག་པོའི་ཆུ་ནང་ནས།། ཉུང་དཀར་ཕྱུང་ལ་ཐུན་དུ་བྱ།། ཐུན་ཁྲག་ཆང་ཕུད་གཙང་མས་སྦྱར།། ནཱ་ག་ཏྲག་རཀྵ་ཁ་མུན་ཏྲ། ནཱ་ག་རུ་ལུ་རུ་ལུ་མ་མ་བྷྱོ་བྷྱོ། ནཱ་ག་ཤ་ནི
304a5 ཏིཤྭ་རྦད། ཐུམ་རི་ལི་ལི། ནཱ་ག་ཏྲག་རཀྵ་མུན་ཛ། ཏྲ་ཀ་མུན་ཏྲ་རུ་ལུ་རུ་ལུ་མ་མ་བྷྱོ། ནཱ་ག་སྙིང་ཁ་ར་ག་མ། ནཱ་ག་ལ་མཱ་ར་ལ་བྷྱོ་བྷྱོ།། བསྙེན་སྔགས་ཞག་ནི་བདུན་དུ་བཟླས།། སྔགས་དཔལ་ཁ་ལ་འབྲུམ་བུ
304a6 ཡོང།། སེར་བ་དངོས་སུ་ཐོར་ཐོར་འབབ།། མཐོང་ལུགས་རྣམ་པ་གསུམ་ཡོད་དེ།། སྒྲུབ་པ་པོས་ནི་ལོ་ཐོག་མཐོང་།། མཁའ་འགྲོ་མ་ཡིས་ཟས་སུ་མཐོང་།། ཀླུ་ཡིས་དཀོར་ནོར་བང་མཛོད་མཐོང་།། བཛྲ་ཏིགྷྣཱ་མུག
iiif viewer powered by OpenSeadragon
