| e-texts navigator |
| Wylie |
300b1 བཞིན་གྱིས་ནི་འོད་གསལ་སྐྱེ།། འོད་གསལ་སྐྱེས་པའི་རྟིང་ལ་ནི།། ཟུང་འཇུག་བསྒོམ་པ་སྐྱེ་བར་འགྱུར།། ལེ་ལོ་ཅན་ཡི་གང་ཟག་དེ།། སྲིད་པ་བར་དོར་སངས་རྒྱ་བས།། ཤི་བ་དོན་དམ་བདེན་པ་ཡིན།། ཕུང་པོ
300b2 ཁམས་དང་སྐྱེ་མཆེད་རྣམས།། འབྱུང་བ་ཆེན་པོ་བཞི་ལ་ཐིམ།། འབྱུང་བ་ཆེན་པོ་བཞི་པོ་ཡང་།། ས་ནི་ཆུ་ལ་ཐིམ་པར་འགྱུར།། ཆུ་ནི་མེ་ལ་ཐིམ་པར་འགྱུར།། མེ་ནི་རླུང་ལ་ཐིམ་པར་འགྱུར།། རླུང་ནི་རྣམ་པར་ཤེས
300b3 པར་ཐིམ།། རྣམ་ཤེས་སྣང་བ་དེ་ལ་ཐིམ།། སྣང་བ་སྣང་བ་མཆེད་ལ་ཐིམ།། སྣང་མཆེད་སྣང་བ་ཐོབ་ལ་ཐིམ།། སྣང་བ་ཐོབ་པ་བྱ་བ་ནི།། ཐམས་ཅད་སྟོང་པ་ཉིད་ལ་ཐིམ།། ཐམས་ཅད་སྟོང་པ་འོད་གསལ་བ།། ཤི་བ
300b4 ཤེས་རབ་ཕ་རོལ་ཕྱིན།། བདེ་བར་གཤེགས་པའི་སྙིང་པོ་ཡིན།། རྣལ་འབྱོར་པ་ཡི་གྲོགས་ཡིན་ནོ།། དེ་ལས་སྦྲུལ་སྐུ་འབྱུང་བ་ནི།། ཇི་ལྟ་ཆུ་ཀླུང་དྲངས་པ་ལ།། ཉ་དག་མྱུར་དུ་འཕར་བ་ལྟར།། དེ་བཞིན་ཐམས་ཅད
300b5 སྟོང་གསལ་ལས།། སྐུ་འདྲ་བར་ནི་འབྱུང་བར་བཤད།། དེ་ཉིད་བར་དོའི་སྐུ་ཡིན་ཏེ།། སྔོན་འབྱུང་སྲིད་པའི་ཤ་གཟུགས་ཅན།། དབང་པོ་ཀུན་ཚང་ཐོགས་མེད་ལྡན།། རིགས་མཐུན་ལྷ་མིག་དག་པས་མཐོང་།། བར
300b6 མ་དོ་ཡི་སྐུ་དེ་ཡིན།། འགྲོ་བ་རིགས་དྲུག་གྲོང་ཁྱེར་དེ།། གཉིས་སུ་མེད་པའི་སྤྱོད་པ་སྤྱད།། སྤྲོས་པའི་རྣམ་པས་ཆོད་གྱུར་ནས།། བར་མ་དོ་ཡི་སྐུ་དེ་ནི།། རྡོ་རྗེ་སེམས་དཔའི་སྐུ་རུ་བསྒོམས།། འོད་གསལ་ཡང་ནི
iiif viewer powered by OpenSeadragon
