| e-texts navigator |
| Wylie |
300a1 པས།། སྐད་ཅིག་གཅིག་ལ་མ་ལུས་མཐོང་།། ཞི་བར་ཟུང་དུ་འཇུག་པ་ནི།། ཀུན་རྫོབ་དང་ནི་དོན་དམ་དག། སོ་སོའི་ཆ་ཡིས་ཕྱེ་གྱུར་ན།། ཡང་དག་ཉིད་དུ་འདྲེས་གྱུར་པས།། ཟུང་དུ་འཇུག་པར་དེ
300a2 བཤད་དོ།། མཚན་མེད་བསྒོམ་ལ་དགྲ་བཞི་སྟེ།། དགྲ་འདུལ་མན་ངག་བཤུར་བ་ནི།། ཇི་ལྟར་སྤྲིན་ནི་སྣ་ཚོགས་པ།། མདོག་དང་དབྱིབས་ནི་ཐ་དད་པས།། ནམ་མཁའི་ངང་ལས་བྱུང་ནས་ནི།། དེ་ཉིད་དུ་ནི་ཐིམ་པར
300a3 འགྱུར།། དེ་བཞིན་རང་བཞིན་ཐམས་ཅད་ཀུན།། སྣང་བ་གསུམ་གྱི་རྒྱུ་ཅན་ཏེ།། མ་ལུས་ཡུལ་ལ་ཞུགས་ནས་ནི།། འོད་གསལ་བར་ནི་འཇུག་པར་འགྱུར།། དེ་འདྲ་རང་བཞིན་མ་ཤེས་པས།། མི་ཤེས་མུན་པས་ཕེབས
300a4 ནས་ནི།། དགེ་དང་མི་དགེའི་ལས་བྱས་ནས།། འགྲོ་བ་ལྔར་ནི་འཁོར་བར་འགྱུར།། ཐབས་ཆེན་རྒྱུད་དང་ལྡན་པ་ལ།། ཉོན་མོངས་བྱང་ཆུབ་ཡན་ལག་བཤད།། དང་པོ་སེམས་ནི་བཤུར་བར་བྱ།། བཤུར་བ་ཚད་དུ
300a5 ཕྱིན་ཙམ་ན།། སེམས་ནི་རང་ལོག་ཉིད་དུ་གྱུར།། བཤུར་བ་ཚད་དུ་ཕྱིན་པ་ཡིན།། ལ་ལས་ཚད་དུ་ཕྱིན་པས་ཐོབ།། ལ་ལ་བདེ་བའི་སྒོ་ནས་ཐོབ།། ལ་ལ་ཤེས་པ་འཚམས་པས་ཐོབ།། ལ་ལ་ཁ་བོ་དག་གིས་ཐོབ།། ལ
300a6 ལར་སྤྲོས་པ་བཅས་པ་ཐོབ།། དེ་ནས་གཉིས་མེད་བསྒོམ་པར་བྱ།། གཉིས་མེད་བསྒོམ་པའི་རྟིང་ལ་ནི།། དང་པོར་སེམས་ནི་གནས་པ་སྐྱེ།། དེ་ནས་སེམས་ནི་དམིགས་པ་སྐྱེ།། དམིགས་པ་སྐྱེས་པའི་རྟིང་ལ་ནི།། རང
iiif viewer powered by OpenSeadragon
