| e-texts navigator |
| Wylie |
299b1 ཡིན།། མཚན་མ་མེད་པའི་མན་ངག་ནི།། དང་པོར་རླུང་ལ་གནས་པར་བྱ།། སེམས་ཅན་རྣམས་ཀྱི་སྲོག་གྱུར་པ།། རླུང་ཞེས་བྱ་བས་ལས་ཀུན་བྱེད།། འདི་ནི་རྣམ་ཤེས་ཞོན་རྟ་སྟེ།། ལྔ་ཡི་བདག་ཉིད་བཅུ་མིང
299b2 ཅན།། རང་བཞིན་ཕྲ་བ་བརྒྱ་དང་ནི།། དྲུག་ཅུ་ཐམ་པ་འདི་དག་ནི།། རླུང་གི་བཞོན་པའི་རྒྱུ་ཡིན་ཏེ།། ཉིན་དང་མཚན་དུ་རྒྱུ་བའོ།། གཉིས་པར་རིལ་འཛིན་རྗེས་གཞིག་དམིགས།། མགོ་བོ་ནས་ནི་རྐང་པའི་བར།། ཇི
299b3 སྲིད་སྙིང་གར་ཕྱིན་གྱི་བར།། རྣལ་འབྱོར་ཡང་དག་མཐའ་ལ་འཇུག། རིལ་པོར་འཛིན་པ་ཞེས་བཤད་དོ།། ཇི་ལྟར་དབུགས་ཀྱི་མེ་ལོང་ལ།། མཐའ་ནས་རིམ་གྱིས་དབུས་ཐིམ་ལྟར།། རྣལ་འབྱོར་ཡང་དག་མཐའ་ལ
299b4 འཇུག། རྗེས་སུ་གཞིག་པ་ཞེས་བཤད་དོ།། གསུམ་པར་འོད་གསལ་བསྒོམ་པར་བྱ།། ད་ནི་ཡོངས་རྫོགས་རྣལ་འབྱོར་གྱི།། གསལ་བའི་དོན་ནི་བཤད་བྱ་སྟེ།། སྟོང་པ་གསུམ་པོ་རྣམ་དག་གང་།། འོད་གསལ་བར་ནི
299b5 འདིར་བཤད་དོ།། བསམ་གཏན་འདི་ནི་བསམ་གཏན་མིན།། འདིས་ནི་མཐར་ཟུག་མི་འཐོབ་སྟེ།། ནམ་མཁའ་ལྟ་བུར་ཕྱོགས་གྱུར་པས།། འོད་གསལ་བ་ནི་མི་དམིགས་ཏེ།། འོད་གསལ་བ་ཡི་གནས་ཐོབ
299b6 ནས།། རབ་དགའི་གཟུགས་སུ་སྐྱེ་བར་འགྱུར།། དེ་ཚེ་རབ་དགའ་རྡོ་རྗེའི་སྐུ།། ཀུན་གྱི་དབང་ཕྱུག་ཐོབ་པར་འགྱུར།། འདས་པ་དང་ནི་མ་འོངས་པ།། ད་ལྟར་བྱུང་བའི་སྲིད་པ་གསུམ།། འོད་གསལ་བ་ནི་རྣམ་དག
iiif viewer powered by OpenSeadragon
