| e-texts navigator |
| Wylie |
299a1 འགུགས་འདྲེན་ལས།། དབུ་ཡི་སྤྱི་བོ་མན་ཆད་ནས།། ཞབས་ཀྱི་གདན་ཁྲི་ཡན་ཆད་དུ།། སྤྲུལ་པའི་ཕོ་ཉ་མང་པོར་བསྟན།། ཞེས་གསུངས་སོ།། པདྨ་དབང་ཆེན་དྲེགས་པ་གཟན་འབེབས་ཀྱི་རྒྱུད་ལས།།
299a2 དབང་ཆེན་སྐུ་གསུང་ཐུགས་ཀྱི་སྒྲུབ་པས། འགྲོ་དྲུག་བདེ་ཆེན་ཆོས་སྐུར་སྦྱོར་བའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་པདྨ་དབང་ཆེན་གྱིས་གང་ཟག་གཉིས་སངས་རྒྱས་པའི་ལམ་འདི
299a3 གསུངས་སོ།། བརྩོན་འགྲུས་ཅན་དང་ལེ་ལོ་ཅན།། འདི་དང་བར་དོར་སངས་རྒྱས་པའི།། གསང་སྔགས་འབྲས་བུ་བླ་ན་མེད།། རབ་ཏུ་སྦས་པ་བཤད་པར་བྱ།། བརྩོན་འགྲུས་ཅན་གྱི་གང་ཟག་ཏུ།། ཚེ་འདིར་མཚན
299a4 བཅས་མཚན་མེད་བསྟན།། དང་པོར་སྐུ་ལ་བལྟ་བར་བྱ།། བལྟས་པས་དགོངས་པ་ཐོབ་གྱུར་ནས།། བདག་ཉིད་སྐུ་རུ་བསྒོམ་པར་བྱ།། བདག་ཉིད་སྐུ་ལ་གོམས་གྱུར་ན།། དེ་ནས་དཀྱིལ་འཁོར་ཞུགས་པར་བྱ།། མ
299a5 བྱུང་ལོག་གནོན་ཞག་གསུམ་བྱ།། དེ་ལྟར་ཐོབ་པའི་རྟིང་ལ་ནི།། དེ་ནས་བརྟན་པའི་ཆོ་ག་བྱ།། དགུན་ནི་ཉི་མ་གསུམ་ཆར་བྱ།། དབྱར་ནི་ཉི་མ་བཞི་ཆ་བྱ།། ལུགས་སྐུ་ཀུན་ལ་བློ་གློར་བལྟ།། དེ་ལྟར་ཐོབ་པའི་རྟིང་ལ
299a6 ནི།། མཚན་མ་ཅན་ལ་བརྟེན་ནས་ནི།། མཚན་མ་མེད་པར་རབ་ཏུ་བསྐྱེད།། མྱུར་བར་འདོད་ན་སྤྱོད་པ་བྱ།། སེམས་ནི་འཕྲོ་བ་དགག་པར་བྱ།། གཉིས་སུ་མེད་པའི་སྤྱོད་པ་བྱ།། མཚན་མ་ཅན་གྱི་མན་ངག
iiif viewer powered by OpenSeadragon
