| e-texts navigator |
| Wylie |
298a1 ལྔར་རང་བྱུང་གསལ།། ལྔ་གསུམ་དེ་ནི་དམུས་ལོང་འཁོར།། དགུན་དུས་ས་ཡི་རླུང་རྒྱུ་འཁྲུགས།། དེ་ཡང་ཉིན་མཚན་རྣམ་པ་གཉིས།། དཔྱིད་དུས་རླུང་གི་རླུང་ཡང་རྒྱུ།། དེ་དུས་རླུང་གཉིས་ཉིན་མཚན
298a2 གཉིས།། དབྱར་དུས་ཆུ་ཡི་རླུང་རྒྱུ་བས།། ཆུ་རྣམས་འཁྲུགས་པས་ཉིན་མཚན་གཉིས།། སྟོན་དུས་མེ་ཡི་རླུང་རྒྱུ་བས།། འབྲས་བུ་སྨིན་བྱེད་ཉིན་མཚན་གཉིས།། དུས་བཞི་ཉིན་ཞག་བརྒྱད་ཕྱིའི་ཕྱིར།། ཟ་བྱེད་དཔལ
298a3 གྱི་ཁྱི་བརྒྱད་བསྟན།། ཕུང་པོ་ལྔ་ལ་གནས་པའི་རླུང་།། དབང་པོ་ལྔ་ལ་མགྲིན་པའི་རླུང་།། དེ་དག་བཅུ་རུ་གྱུར་པས་ན།། ཡེ་ཤེས་སྤྲུལ་པའི་ཁྱི་བཅུར་གནས།། མཚན་བཅས་བསྒོམ་པར་གང་འདོད་པས།། བལྟས
298a4 པས་ལོང་བས་སྐུ་ལ་བལྟ།། བསྒོམ་པས་ཡོངས་རྫོགས་སྐུ་རུ་བསྒོམ།། བཅུར་བས་ལོང་བས་དབུགས་ལ་བཤུར།། མ་བྱུང་ལོག་གནོན་ཞག་གསུམ་བྱ།། འབྱུང་བ་བརྟན་པའི་ཆོ་ག་བྱ།། སྐུ་གྲངས་མང་པོར་བསྒོམ་པ
298a5 དང་།། ཆེན་པོ་རགས་པར་བསྒོམ་པ་དང་།། རང་ཉིད་སྐུར་བསྒོམ་དཀྱིལ་འཁོར་ཞུགས།། མཚན་བཅས་ལ་བརྟེན་མཚན་མེད་འགྱུར།། མཚན་བཅས་བསྒོམ་པའི་མན་ངག་དགུ།། དབང་གི་དཀྱིལ་འཁོར་ཆེན་པོ
298a6 རུ།། ལས་ཅན་སྐལ་ལྡན་གཞུག་པའི་ཕྱིར།། ཤར་དུ་སྒོ་སྲུང་མགོ་རུ་བསྟན།། མཚན་མེད་བསྒོམ་པས་གང་འདོད་པས།། གནས་པ་དང་ནི་དམིགས་པ་གཉིས།། འོད་གསལ་བ་དང་ཟུང་འཇུག་བཞི།། དེ་ལ་ཡང་ནི
iiif viewer powered by OpenSeadragon
