| e-texts navigator |
| Wylie |
296b1 སྲིན་དམར་པོ་ཆིབས་སུ་ཆིབས།། ན་བཟའ་སེར་གྱི་དཔུང་བླུག་ཅན།། ཕྱག་ན་ཞིང་དབྱུག་སྒྲོན་མེ་འབར།། འཁོར་གྱི་དམུས་ལོང་བཅོ་ལྔ་ནི།། མེ་སྒྲོན་བསྣམས་ནས་ཤ་ཁྲག་ཟ།། ཟ་བྱེད་དཔལ་གྱི་ཁྱི་བརྒྱད
296b2 ནི།། ཤར་ན་ལྕགས་ཁྱི་མགོ་བརྒྱད་ལ།། མཁའ་འགྲོ་གྲི་གུག་ཐོད་པ་དཀར།། ཤར་ལྷོ་ལྕགས་ཁྱི་མགོ་བརྒྱད་ལ།། དཔའ་བོ་གྲི་གུག་ཐོད་པ་སེར།། ལྷོ་ན་ལྕགས་ཁྱི་མགོ་བརྒྱད་ལ།། དཔའ་བོ་གྲི་གུག་ཐོད་པ
296b3 མཐིང་།། ལྷོ་ནུབ་ལྕགས་ཁྱི་མགོ་བརྒྱད་ལ།། ཤུགས་འགྲོ་གྲི་གུག་ཐོད་པ་སྨུག། ནུབ་ན་ལྕགས་ཁྱི་མགོ་བརྒྱད་ལ།། མཁའ་འགྲོ་གྲི་གུག་ཐོད་པ་དམར།། ནུབ་བྱང་ལྕགས་ཁྱི་མགོ་བརྒྱད་ལ།། མཁའ་འགྲོ་གྲི
296b4 གུག་ཐོད་པ་སེར།། བྱང་ན་ལྕགས་ཁྱི་མགོ་བརྒྱད་ལ།། དཔའ་བོ་གྲི་གུག་ཐོད་པ་ལྗང་།། བྱང་ཤར་ལྕགས་ཁྱི་མགོ་བརྒྱད་ལ།། མཁའ་འགྲོ་གྲི་གུག་ཐོད་པ་སེར།། ཡེ་ཤེས་སྤྲུལ་པ་ཁྱི་བཅུར་བཅས།། ཤར་ན་མགོ
296b5 དགུ་རྐང་གཅིག་པོ།། སྟ་རེ་གཡས་ལ་ལྕགས་ཀྱུ་གཡོན།། ལྷོ་ན་མགོ་བརྒྱད་རྐང་ལག་བརྒྱད།། གཡས་ན་རྡོ་རྗེ་གཡོན་ན་ཕུར།། ནུབ་ན་མགོ་དྲུག་རྐང་ལག་དྲུག། གཡས་པ་ཕུར་པ་གཡོན་གཏོར་མ།། བྱང་ན་མགོ
296b6 གསུམ་རྐང་ལག་གསུམ།། ཕྱག་ན་ཤ་ཟ་ཁྲག་ལ་སྤྱོད།། དེ་ནས་པདྨ་དབང་ཆེན་གྱིས།། གསུང་གི་གསང་སྔགས་རབ་ཏུ་བཤད།། གསང་སྔགས་རབ་ཏུ་ངོ་མཚར་རོ།། མཆོག་དང་ཐུན་མོང་ལས་རྣམས་འགྲུབ།། ཨོཾ
iiif viewer powered by OpenSeadragon
