| e-texts navigator |
| Wylie |
295a1 གནས་པས་རླུང་གི་རླུང་།། རླུང་གི་ལས་ཀྱིས་འབྱེད་ཅིང་ཕྲིན་ལས་བྱེད།། ཐ་མ་སྐལ་ཚིགས་རྟ་ལས་བྱང་ཆུབ་སེམས།། ཐུར་དུ་དྲངས་ནས་ས་བོན་འཇིག་པ་དང་།། འཁོར་བའི་སེམས་ཅན་སྐྱེ་བའི་རྒྱུ
295a2 ཡང་བྱེད།། རིགས་ལྡན་རྣལ་འབྱོར་དབང་ཕྱུག་ཆེན་པོ་རྣམས།། སྤྱི་གཙུག་ཚངས་པའི་བུ་ག་ཁ་བྱེ་ནས།། འོག་མིན་མཁའ་སྤྱོད་གནས་སུ་སེམས་ཉིད་འགྲོ།། ལུང་རྣམས་གཟུང་བདེ་ལག་ལེན་བསྐྱེད་རྫོགས
295a3 ཡིན།། མན་ངག་སྐྱེས་བུའི་ཐུགས་ལ་གང་གབ་པ།། ཨེ་ནི་གྲུ་གསུམ་ཕྱི་དབྱིབས་སྙིང་དུ་གནས།། ནང་དུ་ཀུན་གཞི་མ་བཅོས་བྱང་ཆུབ་སེམས།། དཀར་ནག་ལས་རྣམས་གསོག་པའི་སྣོད་ཡིན་ཡང་།། ཆོས་ཀྱི་དབྱིངས
295a4 སུ་ཤེས་པས་གོས་པ་མེད།། བཾ་ནི་མི་ཤིགས་ཐིག་ལེ་རྣམ་ཤེས་ཡིད།། ཕྱི་ནང་ཀུན་ལ་དབང་བསྐུར་གང་སྣང་འཆར།། མེ་ལོང་ཡེ་ཤེས་དྲི་མེད་ཆོས་ཀྱི་སྐུ།། ཀུན་ཏུ་བཟང་པོ་ཆོས་སྐུ་དྲི་མ་མེད།། མ་ནི་ཉོན་མོངས་ཡིད
295a5 དེ་ཉོན་མོངས་ལྔ།། རིགས་ལྔའི་སངས་རྒྱས་རྣམས་ཀྱང་དུག་ལྔ་ཡིན།། མེ་ལོང་ལྟོ་རྒྱབ་ལོག་པ་ལྟ་བུར་གནས།། དུག་ལྔ་རིགས་ལྔ་དབྱེར་མེད་རྟོགས་པར་བྱ།། མ་རྟོགས་རིགས་དྲུག་འགྲོ་བ་དུག་ལྔ་ཡིན།། རིགས
295a6 དྲུག་རིགས་ལྔར་ཤེས་པས་འཁོར་བ་སྟོངས།། ཡཱ་ནི་སྒོ་ལྔའི་རྣམ་པར་ཤེས་པར་གནས།། སྒོ་ལྔའི་རྣམ་ཤེས་འདོད་ཡོན་ལྔ་ལ་སྤྱོད།། མིག་གཟུགས་རྣ་བ་སྒྲ་སྟེ་སྣ་ལ་དྲི།། ལྕེ་ལ་རོ་སྟེ་ལུས་ལ་རེག་བྱར་གནས།། འདི
iiif viewer powered by OpenSeadragon
