| e-texts navigator |
| Wylie |
292b1 མངའ།། ཡེ་ཤེས་མཁྱེན་ལས་མ་གཏོགས་ཐབས་གཞན་མེད།། ཐབས་དེ་མཐོང་ན་ཐབས་གཞན་སྒྱུ་མ་འདྲ།། ཤེས་རབ་འགྱུར་བ་མེད་པའི་ཆོས་ཉིད་ཡིན།། སངས་རྒྱས་རྣམས་ཀྱིས་གསུངས་རུང་མ་གསུངས
292b2 རུང་།། སེམས་ཅན་རྣམས་ཀྱིས་རྟོགས་རུང་མ་རྟོགས་རུང་།། ཆོས་ཉིད་འགྱུར་བ་མེད་པར་ཡེ་ནས་གནས།། ཐབས་དང་ཤེས་རབ་དེ་ཉིད་རྟོགས་གྱུར་ན།། གང་གིས་རྟོགས་པའི་འཁོར་བའི་སེམས་ཅན་རྣམས།། བདེ
292b3 ཆེན་ཆོས་སྐུ་དྲི་མ་མེད་པ་ཡིན།། དེ་ལྟར་རྟོགས་པའི་རྣལ་འབྱོར་སྒྲུབ་པོ་རྣམས།། དྲེགས་པ་མ་ལུས་འཁོར་ཞིང་བསྟན་པ་བསྲུང་།། དེ་ཕྱིར་དྲེགས་པ་གཟན་འབེབས་རྒྱུད་བཤད་ཀྱིས།། ཕྱི་རབས་མ་འོངས་དོན་དུ
292b4 ལེགས་པར་ཉོན།། ཞེས་གསུངས་སོ།། པདྨ་དབང་ཆེན་དྲེགས་པ་གཟན་ལ་འབེབས་པའི་རྒྱུད་ལས། གླེང་གཞི་དང་གླེང་བསླང་བའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཀྱིས་རྒྱུད་ལུང་མན་ངག
292b5 གསུམ་གཅིག་ཏུ་འབྲེལ་པའི་ཨེ་ཝཾ་མ་ཡཱ་འདི་གསུངས་སོ།། རྒྱུད་འདི་དམངས་དང་འདྲ་སྟེ་བྱ་བ་མང་།། ལས་རྣམས་མ་ལུས་རྒྱུད་ཀྱིས་འགྲུབ་པར་བྱེད།། ལུང་འདི་རྗེ་དང་འདྲ་སྟེ་གཟུང་བར་བདེ།། འབངས་རྣམས
292b6 ཇི་ལྟར་འདོད་པའི་དགོས་དགུ་འབྱུང་།། མན་ངག་མ་དང་འདྲ་སྟེ་མི་བསླུ་ངེས།། རྒྱལ་པོ་ལྟ་བུར་རང་ས་འཛིན་པའོ།། རྗེ་ཡིས་རང་ས་འཛིན་པར་མ་གྱུར་ན།། རྗེ་ཡིས་འབངས་ཀྱི་ཆོས་ཀྱང་མི་བྱེད
iiif viewer powered by OpenSeadragon
